Neolìticu reghente

In su Neolìticu reghente (3400-3200 a in antis Cristu) sos datos archeològicos devenint semper prus cumplessos e articulados, pro custu sos istudiosos impreant su critèriu distintivu de agrupare in facies sas ammentas de repertos presos intre issos de unas cantas afinidades, puru sena cròmpere sa coerèntzia e sa cumplessidade chi caraterizant sas culturas beras e pròpias. Una de custas facies est nòdida cun su nùmene de San Ciriaco, de su nùmene de una localidade in territòriu de Terrarba, in s'Aristanesu. Sa produtzione tzeràmica si caraterizat pro su tìpicu profilu de sos vasos. Fintzas sa famada copa in steatite birde atzapada in sa necròpoli de tumbas a tzìrculu megalìticu de Li Muras acanta Altzaghena, in printzìpiu retenta pertinente a sa cultura de Otieri, est oe referida a sa facies San Ciriaco pro su forte assimìgiu cun sas produtziones tzeràmicas suas.

Est in custa fase chi sunt fossadas sas primas domus de janas (domos de sas fadas), sas tìpicas tumbas a grotticella artifitziale, e sunt realizados, in prus de sas tumbas a tzìrculu megalìticu, sos primos dolmen e menhir.

Aggiornamento

26/10/2023 - 12:31