Sa Sardigna de sos Savoja

Sassari, piazza d'Italia, particolare. Autore Max Leopold Wagner, collezione: Fondo Wagner, Ilisso, da Sardegna DL

Intre su 1714 e su 1718 s'ìsula colat in antis suta de su controllu austrìacu, posca suta de cuddu piemontesu. Cun su possessu de sa Sardigna sos Savoja achirint su tìtulu beru. totu su sèculu durat s'arte tardobarocca, a òpera de architetos e artistas chi acudint dae su continente itàlicu.
In architetura istupat sa personalidade de Giuseppe Viana, chi s'espressat a su mègius in sa spazialità in manera dinàmica baroca de sa crèsia de su Carmine de Aristanis. In pintura istupat sa de Giacomo Altomonte, autore de sos rafinados afriscos in sa sacrestia de San Michele a Casteddu.
In s'istatuària de linna istupat sa personalidade de un'iscultore locale, Giuseppe Antonio Lonis, autore de apprezzatissimi bultos devozionali.
Sa prima metade de s'Otighentos bidet fintzas in Sardigna sa difusione de s'arte neoclàssica, chi tenet su màssimu esponente suo in s'iscultore Andrea Galassi. Issu at a resèssere a s'impònnere fintzas in s'ambiente artìsticu torinesu, traballende pro sa crèsia de sa Grandu Mama de Deus in sa capitale sabàuda.
Mentras sos iscultores printzìpiant sa bia de sa produtzione in sèrias, mescamente dedichende·si a s'istatuària funerària, in pintura si signalat Giovanni Marghinotti, chi longu su cursu de su sèculu si rendet interprete de sos printzipales orientamentos culturales: de sos esòrdios neoclàssicos, tzelebrativos de su metzenatismu de sos Savoja, a su romantitzismu, finas a aderire a sa bena folklorica, chi lu giughet a avalorare, pro primu in s'arte sarda, sos costùmenes e sas traditziones populares sardas.

Aggiornamento

18/7/2025 - 10:44