Neolìticu mèdiu

In su Neolìticu mèdiu (4000-3400 a in antis Cristu) s'assistit a sa nàschida de sa cultura de Bonu Ighinu. Su nùmene impreadu pro designare custa cultura derivat de su giassu chi at torradu sas primas atestatziones archeològicas. Si tratat de sa gruta de Bonu Ighinu (connota fintzas cun su nùmene de Ischit Ucca 'e subra de Tintirriolu) in territòriu de Mara, in su Tataresu.

A custa fase cronològicu-culturale est ricondotta su cunsolidamentu de sas conchistas neolìticas in sa laurera, in s'allevamentu e in sa produtzione tzeràmica puru in sas pràticas de vida de sas comunidades umanas.

Una de sas testimonias prus craras de tale fenòmenu nche lompet de sas produtziones tzeràmicas ascrivibili a sa cultura de Bonu Ighinu. Si tratat de formas vascolari vàrias, intre cales vasos carenati e ciotole, cun anse zoomorfas o antropomorfas, caraterizadas dae sas superfìtzies lùghidas, de colore nieddu-brunu, a s'ispissu decoradas a intzisione o a impressione. Sa notèvole calidade tècnica de custos manufatos testimòniat un'innegàbile progressu in sa capatzidade de controllu de su protzessu tecnològicu chi sovrintende a sa produtzione de sos manufatos tzeràmicos. Lu crèschida variedade de sas formas vascolari costituit fintzas unu significativu riflessu de sos crèschidos bisòngios econòmicos de sas gentes Bonu Ighinu.

Pro cantu pertocat s'àmbitu funeràriu, caraterìsticas aparint sas tumbas a grotticella e sos asciugàrios funeràrios chi acumpangiaiant su defuntu a s'aldilà. Si signalat in propòsitu sa necròpoli de Cuccuru is Arrius, in su territòriu de Crabas, ue fiant istadas atzapadas numerosas statuette de "dea mama" steatopigie, cun formas feminiles meda annoditadas. Custa casta de manufatos oferit una testimonia materiale de grandu rilievu: issa rapresentat difatis una crara proa archeològica de s'esistèntzia de unu mundu ispirituale e religiosu in su cale sas comunidades umanas de custu perìodu deviant agatare "amparu".

Aggiornamento

26/10/2023 - 10:17