Carnevale de Tèmpiu

Su carrasegare de Tèmpiu cumintzat su giòvia grassu cun s'intrada triunfale in tzitade de su Re Giorgio, rapresentadu dae unu fantoccio, acumpangiadu dae s'isfartzosa isfilada de carros allegòricos. Sa domìniga si tzèlebrat su coju intre Re Giorgio e sa popolana Mannena, a su sòlitu abbigliata in modu atrividu. Mannena, segundu sa traditzione, at a dare a su re unu fìgiu chi at a èssere Re Giorgio pro su sutzessivu carrasegare. ses dies Re Giorgio est osannato, onoradu e adulato; su martis grassu però, culpèvole de rapresentare totu sos malos de sa tzitade, est protzessadu e brusiadu subra de sa pùblica pratza. Si repitet gasi s'antigu ritu de su fogu chi preannuncia sa fine de s'ierru e s'arribu de su beranu. Cun su traditzionale rogo de Re Giorgio si serrat su carrasegare. Sa truma abetat su verdetto pro posca s'afilare in aplàusos liberatòrios. Ardendo subra de su rogo, su fantoccio at a giùghere bia cun sese totu sos dannos chi in su cursu de s'annu si sunt aterrados subra de sa tzitade.
Oe Sua Maestà Re Giorgio si rapresentat cun unu pupazzo chi podet impersonare su mere, su sìndigu, s'assessore o su Presidente de su Cussìgiu o de sa Repùblica. Re Giorgio est sa càusa de totu sos malos de sa tzitade, ma partetzipare a sos fatos suos cunsentit de ironizzare in modu liberatòriu subra de sa vida matessi e sos problemas suos.

Istòria
S'isfilada de sos carros allegòricos de su carrasegare tempiese at tentu logu pro sa prima bia in su 1956. Su pessonàgiu printzipale era "Giorgio", unu tempus mutidu Jolgliu Puntogliu, oe imbetzes "Sua Maestà Re Giorgio" chi rapresentat su podere in totus sas formas suas.
Su carrasegare de Tèmpiu tenet orìgines antigas, ma torrare a artziare a su printzìpiu no est fàtzile, fintzas ca medas traditziones sunt istadas cun su tempus modificades. Si retenet nointames chi sa figura de Giorgio torret a artziare a s'època pre-romana, cando s'ispìritu de sa terra chi fruttifica fiat mutidu Giorgi e a custa divinidade s'oferiant sacrifìtzios propitziatòrios.

Aggiornamento

6/2/2024 - 08:17