Catalano giurìdicu e literàriu

Cun sa conchista de s'ìsula a banda de sa Corona de Aragona sa Sardigna intrat a fàghere parte de sa tropa de regiones mediterràneas in sa cale su catalanu est sa limba egemone.

Sos noos conquistatori s'apessamentant de difùndere s'idioma issoro a livellu giurìdicu, introduende·lu in sa comunicatzione istitutzionale e, in particulare, in sa beste de limba veiculare de su Parlamentu de su nou Regnu de Sardigna unificadu.

Numerosos artistas, òmines de cultura, poetas e iscritores lompent a Sardigna de sos paisos catalanos a sa sighida de s'esèrtzitu conquistatore e devenint su trastu de una produtzione literària in limba catalana chi seguru aiat dèvidu tènnere una tzirculatzione notèvole.

Sas tzitades de S'Alighera e Casteddu, sutapostas a una pesada de "pulitzia ètnica" e ripopolate de su totu de catalanos, sunt sos duos tzentros motores de su domìniu de sa limba ibèrica in custu perìodu.

Intre sas òperas subra de sas cales sos istudiosos ant puntadu s'atentzione, andant tzertamente ammentadas sas "Cobles de la conchistat des Francesos" (1400 belle) chi contant, de su puntu de bista de sos binchidores, de s'atacu fallidu de su legìtimu giùighe de Arborea, su visconte de Narbona, a sa tzitade catalana. Unu càntigu de argumentu polìticu, subravìvidu gràtzias mescamente a su fatu chi beniat dae s'ala de sos binchidores. Gasi no est istadu pro unas cantas "Laudi in onore de su giùighe de Arborea Ugone III", iscritas in sardu, de cale si tenet noa, ma chi non si sunt sarvadas.

MONOGRAFIE
R. Muntaner - Pedru IV de Aragona, Sa conchista de sa Sardigna in sas crònacas catalanas, sàbiu introduttivo e cura de G. Meloni. Nùgoro, Ilisso, 1999 (Bibliotheca Sarda; 38)

Aggiornamento

18/3/2025 - 15:05