Sos primos signales de sa presèntzia fenìtzia in Sardigna sunt inquadrabili in cronologia partinde dae su XII sec. a.C. finas a a su mancu sa prima metade de su VIII sec. a.C. e sunt pertinentes a sa fase gai narada "precoloniale". Cun custu tèrmine si cheret fàghere riferimentu a sa creatzione a banda de sos Fenìtzios de insediamentos classificados in sa literadura ispetzialìstica cun su tèrmine de "empori".
Si tratat de tzentros abitados de piticas dimensiones e a caràtere no in manera netzessària cussorgiale, creados pro acumprire una dòpia funtzione: de unu chirru, instaurare, intzentivare e regulare sas relatziones cummertziales cun sas populatziones locales; de s'àteru, ofèrrere a sos navigantes fenìtzios un'importante e pretziosu suportu pro sos possìbiles bisòngios presos a sa navigatzione (netzessidade de pàsida o de ricòveru de sas naves a càusa de sas cuntràrias cunditziones atmosfèricas e pro pònnere remèdiu a sos possìbiles dannos a cales sas naves deviant èssere in manera inevitàbile sugetas).
A su contràriu de cantu s'est in longu crèidu e sustentadu, sa natura de custos primos cuntatos intre Fenìtzios e gentes isolanas fiat istadu in manera sustantziale paghiosa.
Est antis etotu a càusa de su caràtere non conflituale de tales raportos chi sa presèntzia fenìtzia in Sardigna s'aiat pòdidu consolidare finas a creare sas cunditziones netzessàrias e sufitzientes pro sa nàschida de sas primas beras e tzitades pròpias, comente a Karaly (Casteddu), Sulky (Santu Antiogu), Nora (Pula).
Cun sa nàschida de sos primos tzentros urbanos in sentidu etotu intramus a una noa fase de s'istòria fenìtzia in Sardigna: sa fase coloniale.
Aggiornamento
Immagini
Video
Anno : 1998
Anno : 1998
Risultati 2 di 43946
Visualizza TuttiAudio
Commenti