Sos santuàrios

Frùmini Mayori, tèmpiu de Antas, in antis Fenìtziu-pùnicu e posca Romano. Foto de Italo Zannier, de risursas digitales Sardigna IDV

In prus de chi de sas tzitades, sa presèntzia fenìtzia in Sardigna fiat istadu signada dae sa realizatzione de noos santuàrios, essende sa dimensione de su "sacru" unu de sos elementos detzisivos chi contribuit a definire s'identidade culturale de ogni tziviltade, mescamente in su mundu antigu. Àreas sacras deviant èssere presentes in totu sos tzentros urbanos.
A su presente no est però semper fàtzile identificare tales àreas, mescamente a càusa de sa continuidade de insediamentu.
Fintzas sas necròpolis torraiant intre sos ispàtzios sacros, comente a dimustrant sos sinnos eloquenti de sos rituales religiosos praticados in ocasione de sos interros.
Ancora prus marcada sa funtzione de "logu sacru" de cuddu peculiare ispàtziu de su mundu fenìtziu-pùnicu rapresentadu dae tofet, ue sa depositzione de sas chisinas de sos pipios mortos (pro càusas naturales o, segundu un'antiga opinione, sacrificados) in sos primissimi annos de vida beniat acumpangiada dae unu rituale chi deviat prevìdere fintzas su sacrifìtziu de animales, comente a dimustrant sos datos archeològicos.
De particulare importu aiat dèvidu èssere su gai naradu tèmpiu de Antas (Frùmini Mayori). Si tratat de unu logu de cultu dedicadu a sa divinidade denominada "Sid Addir Babai" (posca torrada a numenare in bramadu romanu "Sardus Pater Babai"), una divinidade cun mandos salutari, sa cale orìgine paret torrare a artziare a s'àmbitu nuràgicu pro posca si trasferire a s'internu de s'isfera cultuale fenìtziu-pùnica in antis e romana posca.

Aggiornamento

17/10/2025 - 12:31