Wolfgang Suschitzky

Bosa, Giovani tagliapietre. Fotografia de Wolfgang Suschitzky, 1948

l fotògrafu Wolfgang Suschitzky est nàschidu in su 1912 a Vienna, de famìlia ebrea. Su babbu, editore progressista e autorèvole esponente sotzialista, aiat creadu in su 1901 sa prima libreria sotzialista.
Lassada Vienna in sos primos annos trinta, a pustis de unu cùrtziu perìodu in Olanda, in su 1935 si fiat istabilidu a Londra ue aiat printzipiadu sa carriera de operadore tzinematogràficu e fotògrafo, devenende chitzo nòdidu pro sa sèrie de imàgines subra de Charing Cross Road. Ateretantu famados sos retratos de importantes iscritores, òmines polìticos e iscientziados e unas cantas foto suas de animales, puru una sèrie subra de sos pipios. Cale operadore tzinematogràficu at traballadu pro sa Paul Rotha Productions sa NBC, New York, e àteros produtores realizende unos 100 documentàrios e numerosos film fiction pro su grandu tzìnema.
Sas imàgines suas, presentes in sas gallerias fotogràficas inglesas printzipales, sunt cunservadas, de sos àteros, in sos Archìvios de sa tzitade de Amsterdam, in s'Haags Gemeentemuseum a S'Aja e a sa Texas University a Austin.
Wolf Suschitzky fiat istadu fintzas s'operadore de duos film realizados in ocasione de su sartu antimalarica "The Sardinian Project" (1948) e "Adventure in Sardinia" (1950), in cursu de achirimentu a banda de s'ISRE , chi imbetzes giai possedit su Fundu costituidu dae s'intreu corpus de fotografias - belle 1.000 - realizadas in Sardigna in su 1948 e in su 1950. Unas 500 imàgines pertocant sa campagna pro s'irraighinadura de sa malària giuta in Sardigna de s'ERLAAS a sa fine de sos annos baranta e finantziada, de sos àteros, de sa Fundatzione Rockfeller, mentras sa chi abarrat parte attiene a logos e pessones de diversas àreas de sa Sardigna, dae Casteddu a Durgali, dae Aristanis a Terranoa, realizadas dae su fotògrafu pro sua autònoma seberada.