Pompu, Museu sa Domo de su Pane

su museu "Casa de su pane" de Pompu est un'unicum in su panorama de sos museos etnogràficos de sa Sardigna dedicados a sas traditziones alimentares e gastronòmicas pro s'acostamentu multimediale suo, evocativu a forte de sa vida passada e presente de sa comunidade de su paisu e de su territòriu in generale.
Su percursu espositivu articuladu longu sos aposentos de sa domo, difatis, rugrat s'intreu protzessu produtivu (macinatura, setacciatura, panificazione, cunservatzione) pro lòmpere finas a oe e rilantzare sa traditzione de su de fàghere su pane cara a su futuru.
Gràtzias a una sapiente integratzione intre sas tecnologias noas, s'ispàtziu architetònicu e sa colletzione de ogetos, in parte acuistada dae su Comunu e in parte arrichida dae sa lassa fata dae sa populatzione de Pompu, e gràtzias a su contributu de sa Regione Autònoma de sa Sardigna e a s'interessu de s'Unione de sos Comunos Movet Montis, su progetu sintetizat un'esperièntzia conoscitiva subra de sa traditzione de su "pane" chi andat de su coltivu de su trigu finas a sa panificazione a traessu de unu sapiente connubio de subraponiduras e de interatziones intre s'arte traditzionale de su "de fàghere su pane" e sos mèdios noos de comunicatzione video-digitale.
In sa domo-museu su primu livellu de su percursu est fruibile de sos visitadores in manera colletiva, e afidadu a macro-installatziones interativas chi òcupant su tzentru de s'iscena e introduint a su tema generale a cale s'aposentu est dedicadu. Unu segundu livellu, fruibile in manera autònoma e personale gràtzias a un'apòsitu dispositivu tablet touch screen, insertadu in una bèrtula de massaju, chi cada visitadore retzit in dotatzione a s'intrada de sa domo, est afidadu a sos sìngulos ogetos espostos longu sos muros o imbarados subra de sos mòbiles.
(testu descritivu bogadu dae su giassu de su Comunu de Pompu)

Ca est importante a lu bisitare
Avalorare sa richesa de su territòriu e s'arte de su "de fàghere su pane" a traessu de un'esperièntzia multimediale e immersiva chi permitet a su visitadore de connòschere e amare totu sas fases de sa traditzione de su pane. Una bera e domo "pròpia", bia e aberta a su pùblicu, chi unit sas caraterìsticas culturales e didàticas de su museu cun cuddas "familiares" e personalizadas tìpicas de sa pitica comunidade.