Sos filados

Sa printzipale matèria prima impreada in sa tessidura est sa lana ovina e, in medida belle irrilevante, cudda caprina. Sas fibras tèssiles de orìgine vegetale sunt su linu, sa canapa e su cotone. Unu casu de su totu particulare est costituidu dae sa tessidura de sa seta e de su bisso marinu. Finas a su primu Noighentos sa tintura de sos filados si faghiat isfrutende sas propiedades tintorie de prantas locales e, prus raramente, ricurrende a produtos naturales de importatzione.

In sa segunda metade de s'Otighentos si difundet fintzas s'impreu de colorantes a s'anilina chi non remplasant de su totu sos colorantes traditzionales, impreados finas a oe mescamente pro otènnere diversas tonalidades de grogu, castàngiu, brunu e ruju. Si ricurret fintzas a s'impreu de filados de produtzione industriale, giai colorados.

Sa produtzione laniera est semper istada bundante mancari de calidade prusaprestu iscadente in cantu sa variedade de berbeghe allevada est dotada de unu vello de mèdia longària, prusaprestu tostu.
A etzetzione de sa tosatura annuale totu sas fases de traballadura de sa lana fiant de cumpetèntzia feminile. A pustis de su lavaggio e s'asciugatura si separaiat sa lana de in antis de sa de segunda e de tres sèberos mediante sa cardatura. Un'ulteriore sèberu beniat fata pro colore, separende sa lana candida de sa de colore grigiastro e nieddu chi beniat filada in manera separada in bista de sa tintura e de s'utilizatzione finale.

Su linu, coltivadu in s'ìsula finas a sos primos de su Noighentos, subiat unu faticoso protzessu de gramolatura pro liberare sas fibras tèssiles de cuddas legnose. Cun sa cardatura si separaiant sas fibras de diferente calidade chi beniant filadas in manera separada pro isvariadas utilizatziones. Sas madassas de filadu subiant fintzas operatziones de sbiancatura e s'in casu mai de tintura.

Lu filadu de canapa, prus pagu pretziadu, s'oteniat cun unu protzedimentu sìmile a su de su linu. Sa produtzione de sa canapa, meda difùndida in edade medievale, sessat belle de su totu in su primu Noighentos.

Sa fibra dae cotone, puru in manera ampra impreada in sa tessidura traditzionale, est raramente prodùida in logo. Fallint prus furriadas sos tentativos de coltivu estèndidu de su fundu mentras subra de su mercadu creschet s'oferta a costos cuntènnidos de sos filados dae cotone giai prontos pro s'impreu in campu tèssile.

Aggiornamento

26/9/2023 - 01:09