Sa "meighina de s'ogru"

Intre sas diversas denumenatziones locales impreadas pro definire su ritu màgicu-terapèuticu contra s'agressione de s'ogru, sa de "meighina de s'ogru" est s'ùnica chi siat istada cumproada in manera difusa in totu sas provìntzias sardas. Sos sanadores cuntatados sunt 339, de cales 321 fèminas e 18 òmines. Cuddos de seguru atzertados ma non mutidos sunt belle 500.

In prus, pro cumprèndere mègius sa difusione de su fenòmenu, si tèngiat presente chi sos sanadores intervistados in Pàdria ant decraradu chi in cuddu paisu sos operadores chi pràticant custa terapia màgica sunt a su mancu 100; sos intervistados de Sòssu nd'ant decraradu belle 200; s'assòtziu Pro Logo de Cala Seda nd'at signaladu belle 300; in Talana "la pràticant totus", in su sentidu chi non b'at famìlia in cale non b'apat a su mancu unu chi l'iscat fàghere.

Cussos chi ant imparadu custa pràtica in famìlia sunt in manera numèrica de pagu superiores a sos chi l'ant imparada dae angenos. Su momentu de s'aprendimentu presentat una grandu variedade de situatziones a traessu de sas cales devènnere sanadores, ma pro totus sa cunditzione imprescindìbile est in antis de totu èssere reconnotos persone dèchida. Petzi in casos pagos meda su coladòrgiu a sa cunditzione de sanadore est acontèssidu a traessu de proas de verìfica o a traessu de unu beru e etotu ritu.

Est opinione difusa chi totus in manera potentziale sunt in sa cunditzione de iscadenare s'agressione de s'ogru, su cale s'averguare o prus pagu dipendet de sa cuncomitàntzia de fatores diferentes. Medas sustentant chi lu pigare ogru est unu fenòmenu dèvidu a su sàmbene, pro cale bi sunt persones chi apartenent a unu tzipu familiare chi pro traditzione esèrtzitat custu influssu in manera forte e contina. Sunt portadores de agressione fintzas sos guerci e cussos chi tenent sos ogros birdes. In sa provìntzia de Casteddu de sos chi intzitant custu particulare istadu de crisi si narat chi tenent sa cabra in s'ogru, opuru chi tenent s'ogru de cabra, est a nàrrere s'ogru de su diàulu. In totu sos casos, custu chi determinat lu s'iscadenare de sa crisi est un'atu istantàneu, lestru, difìtzile de compidare, cale s'addòbiu de sas ogradas, de pretzisu s'addòbiu de sas pupille.

Pro fàghere fronte a s'agressione de s'ogru sunt prevìdidos numerosos interventos de preventzione e unu nùmeru galu prus artziadu de ritos terapèuticos. Pro cantu pertocat sa terapia pro sa propassada de sa crisi provocada dae s'agressione de s'ogru, sunt istados registrados bene bintibator modos diferentes de esecutzione de su ritu terapèuticu, modos in sos cales si cumproat sa presèntzia, in manera diversa cumbinada, de sos sighentes elementos: sos "brebus", pregadorias cales su Babbu Nostru, s'Avas Maria, sa recitatzione de su Creo, s'ispissu paris a s'impreu de trigu, abba, salas, ògiu, òrgiu, arrosu, pedra, corru (de mugrone, de cherbu, de buas), ogru de Santa Lughia, carbone, carta. Pro cunsighire su sanamentu su ritu andat repìtidu dae unu mìnimu de tres a unu màssimu de noe furriadas. Pro sa risolutzione de sos casos prus graves in gènere est prevìdidu s'interventu de tres diversos operadores.

In sa sola Ogliastra, e petzi in pagos paisos, est istada cumproada sa presèntzia de unu particulare ritu terapèuticu, naradu "s'abba faulada", in cale sa meighina de s'ogru assumet sa forma de unu beru e etotu placebo.

Aggiornamento

6/9/2023 - 03:12