A pustis de s'Unidade de Itàlia

Seui, Palazzina Liberty. Foto de Davide Cassanello, 2016; de Catàlogu BBCC RAS

S'architetura de su ferru cumparet a Casteddu intre su 1882 e su 1886, cando benit costruidu subra de disinnu de Enrico Melis su mercadu cobertu de largu Carlo Felice, oe non prus chi esistit.
In sa capitale sarda, s'isvilupu de s'urbanìstica moderna s'aiat pòdidu dare petzi partinde dae su 1861, cando sa tzitade fiat istadu espunta de s'elencu de sas piazzeforti e fiat istadu pro custu possìbile protzedire a s'abbatimentu de sos bastiones, in particulare de cuddos girados cara a su bighinadu istòricu de sa Marina, duncas in resone de sos mudados bisòngios funtzionales respetu a s'àrea de su portu.
In su 1880 fiat istadu tratzadu su lungomare de bia Roma, a sa cale estremidade orientale si fiat chertu pesare su nou Palatzu tzìvicu, de sighida a su cuncursu chi aiat seletzionadu su progetu a firma de Crescentino Caselli, ma dèvidu in realidade a s'architetu Annibale Rigotti.
Siat su Palatzu tzìvicu, comintzadu in su 1899, siat sa Terratza Umbertu I, urtimada in su 1902 comente a assentu monumentale de s'incraro de su bastione Saint-Remy e de su bighinadu istòricu de Castello subra de su sutastante declivio chi a traessu de sa Marina giughet a su portu, esplicitano sos duos printzipales limbàgios storicisti de sa trasformatzione urbanìstica de Casteddu, su segundu longu las coordinades neoclàssicas, su primu in su programa de unu revival neogòticu cun bundante ricursu a decoraduras liberty. At a èssere custa ùrtima tendèntzia de gustu a prevàlere in s'edilìtzia tzitadina, mescamente in sa caraterizatzione modernista o oramai déco de sas villas longu su viale Merello o de sa sèrie de sos palatzos chi s'allìniant subra de su fronte de bia Roma.

Aggiornamento

3/7/2025 - 12:51