"S'istrutura est serrada, de su mese de freàrgiu 2018, pro traballos de restruturatzione e non sunt nòdidos sos tempos de riapertura. Sos datos aporridos de sighida subra de billetes e oràrios, e sos referidos a sa modalidade de atzessu e a sos servìtzios, fiant vigentes in antis de sa serrada de s'istrutura."

Su 4 austu 2016 at torradu a abèrrere a su pùblicu su Museu Francesco Ciusa, a pustis de un'acòrdiu intre Comunu e Provìntzia de Nùgoro pro sa gestione assotziada de s'istrutura a traessu de su Museu MAN.
Sas salas cunsagradas a su famadu artista nugoresu (1983-1949) riunint su grupu de sos mannos gessi iscultòreos, de propiedade de sa Regione Sardigna e in comodadu a su Comunu de Nùgoro, su nùcleu de òperas de su Museu MAN, riferibili mescamente a sa produtzione madura de s'iscultore, e unu grupu de àteros traballos, frutu de prèstidos e comodati siat pùblicos siat privados.
Un'ammenta de belle chimbanta òperas, rapresentativu de sa mìscrina faina de s'artista, de cale faghent parte traballos significativos comente a Sa Torrada, Sa Campana, Su fromboliere, Su Cainita, sa ricostrutzione, integrada cun frammentos marmòreos originales, de su Monumentu a Sebastiano Satta - pesadu in su 1931 e de sighida distruidu - finas a sa famada Mama de s'ochidu, òperat sìmbulu de sa cultura figurativa sarda, chi s'iscultore aiat presentadu a sa Biennale de Venètzia in su 1907, retzende s'aplàusu de sa crìtica.
Sas isculturas presentadas a s'internu de su percursu de museos rifletent sos momentos prus intensos de sa chirca de Ciusa, de sos esòrdios, in sos primos de su Noighentos, finas a sa fine de sos annos Quaranta. A diferèntzia de medas suos cuntemporàneos, Ciusa aiat tentu sa possibilidade de frecuentare, finas dae su 1899, s'Acadèmia de Bellas Artes de Florèntzia, a su costàgiu de mastros comente a s'iscultore Domenico Trentacoste, su pintore macchiaiolo Giovanni Fattori e s'intzisore Adolfo De Carolis, de sos cales aiat torradu a elaborare non petzi sos limbàgios, intre realismu e simbolismu, ma fintzas sas ideas anàrchicas e sotzialistas.
Unu percursu de intensa riflessione e de iscàmbiu cun personalidade de rilievu, comente a Giovanni Papini, Plìniu Nomellini, Galileu Chini, gràtzias a su cale contributu su traballu de s'iscultore aiat pòdidu lòmpere a una sìntesi originale, capatza de fùndere sa traditzione de sos tagliapietre sardos, cun su suo giutu de valores raighinados e temas recurrentes, e sas tècnicas iscultòreas acadèmicas. Cunsideradu s'inghitzadore de s'iscultura moderna in Sardigna, Ciusa aiat resèssidu a cuntziliare duas realidades a tesu, cudda agropastorale e cudda urbana, dende boghe a su mundu pobulare sardu, finas a tando inascoltato.
In prus de sas òperas de s'iscultore, sos ispàtzios de s'ex tribunale de Nùgoro acasàgiant unu percursu espositivu nou, "Sardigna 900", dedicadu a sos artistas de s'iscola pitòrica sarda de sa prima metade de su sèculu passadu, a traessu de sas òperas prus importantes de sa colletzione de su MAN. Nàschida dae s'acorpamentu de bator collidas pùblicas (Provìntzia de Nùgoro, Comunu de Nùgoro, Càmera de Commercio de Nùgoro, Ente Provintziale de su Turismu) e posca crèschida gràtzias a un'atenta polìtica de achirimentos e comodati, sa colletzione de su MAN custoit traballos de artistas nàschidos o ativos in Sardigna, coberende un'arcu temporale chi andat in sa fine de s'Otighentos a sas dies nostros. Unu corpus de in prus de 600 òperas chi a s'internu meda annovera unos cantos intre sos autores prus importantes, puru unas cantas òperas crae de s'istòria de s'arte in Sardigna, comente a Ischit ria de Antonio Ballero, Sa fide de Mario Delitala (parte de su tziclu decorativu de sa sala consiliare de su Comunu de Nùgoro), Donna cun frùtora de Giovanni Ciusa Romagna, Massaju a sa fonte de Giuseppe Biasi e numerosas àteras. Òperas chi cunsentint de cursare sas prus importantes tapas de s'istòria de s'arte de sa prima metade de su Noighentos in Sardigna, caraterizada dae un'iscoperta de sas iconografias traditzionales, de sos costùmenes e de sos ritos fitianos, a traessu de sa cale sos artistas si proponent de promòvere una bisione noa de s'ìsula, tzelebrende·nde sos valores autòctonos, su primordio, su mitu de sa terra incontaminata e de sa genuinità de su pòpulu sardu, contrapostos a s'omologatzione de sa modernidade.

Ca est importante a lu bisitare
Sas isculturas presentadas a s'internu de su Museu Ciusa rifletent sos momentos prus intensos de sa chirca de su grandu iscultore nugoresu, de sos esòrdios, in sos primos de su Noighentos, finas a sa fine de sos annos Quaranta. Su percursu espositivu "Sardigna 900" cunsentit de ripercorrere sas prus importantes tapas de s'istòria de s'arte de sa prima metade de su Noighentos in Sardigna.