Giròmine Araolla

Lughe noa subra sa figura de Giròmine Araolla l'at dada s'istudiosu Maurìtziu Virdis chi, in un'òpera chi luego at a èssere imprentada, mostrat cantu su poeta e eclesiàsticu tataresu fiat agarbadu bene in sas currentes literàrias e umanìsticas de su tempus suo. Petrarchista de cultura ampra, connoschidore che a pagos de s'òpera de Tasso, Araolla est istadu autore de versos cultos in limba italiana, sarda e ispanniola. Sa produtzione poètica sua podet èssere cunsiderada su puntu de adòbiu de su trilinguismu chi in su de XVI sèculos distinghiat s'ìsula. Fiat nàschidu in Tàtari, a fùrriu de sa metade de su Chimbighentos, dae una famìlia famada. Aiat tentu un'istrutzione bona meda e si fiat laureadu in deretu. Su maistru suo fiat istadu su grandu mèigu e filòlogu tataresu Gavinu Sambigucci. A mannu aiat seberadu sa bida eclesiàstica, cando aiat cumentzadu finas a iscrìere. S'òpera sua prus de importu est unu poema in otavas, iscritu in logudoresu e intituladu "Sa vida, su martiriu et morte dessos gloriosos martires Gavinu, Brothu, et Gianuariu". S'òpera, publicada in Casteddu in su 1582, si collegat a cussa de Antoni Canu de su sèculu antepostu, ma est làdinu s'intentu de s'Araolla de torrare a adatare su materiale amprosu de sa paristòria populare subra sa bida de sos màrtires turritanos, intro un'istrutura de su contu prus ordida. Su poema, fatu de 244 cambas e de belle duamìgia versos, aiat giradu meda in Sardigna, ispainadu a s'in capas dae sos preìderos de sos bidditzolos comente mèdiu didàticu in s'òpera pastorale. S'Araolla aiat iscritu in limba italiana duas cantzones in otavas, "Della miseria umana" e "Della incarnazione". In su 1597 aiant imprentadu in Casteddu s'òpera sua "Rimas diversas spirituales". Est mannu s'isfortzu suo de dare a sa limba sarda una dignidade literària che a cussa de su latinu, de s'ispanniolu e de s'italianu. Sa morte sua si ponet intre s'agabu de su Chimbighentos e sos primìtzios de su Seschentos.

Aggiornamento

4/3/2025 - 19:05

Commenti

Carica altri

Scrivi un commento

Invia

Giròmine Araolla

Tag

[Gli aviatori Maurizio Ramassotto e Guido Paolucci fotografati in occasione della manifestazione aerea che ebbe luogo a Cagliari nel maggio del 1912 con l'aereo Chiribini]

[Gli aviatori Maurizio Ramassotto e Guido Paolucci fotografati in occasione della manifestazione aerea che ebbe luogo a Cagliari nel maggio del 1912 con l'aereo Chiribini]

Gerolamo Araolla canonico del capitolo di Bosa : un poeta plurilingue nella Sardegna letteraria del Cinquecento

Gerolamo Araolla canonico del capitolo di Bosa : un poeta plurilingue nella Sardegna letteraria del Cinquecento

Busachi, intervista a Fadda Gerolamo

Genoni, intervista a Sardara Luigi

Tradizioni vocali del Lazio : l'improvvisazione in ottava rima, la polivocalità contadina, i canti di confraternita

Zoom. I fatti raccontati dai protagonisti III : "Musica dentro", Paolo Fresu si racconta, n. 45

Commenti