Argomenti
Argomenti
Su cumplessu edilìtziu fiat istadu costruidu in su bighinadu istòricu casteddàiu de sa Marina. Pesat subra de su de su Chimbighentos Bastione "de sos mortos" o "de Pauli", subra de sos antigos muros de su bighinadu a amparu de sa zona portuale.
Su cumplessu edilìtziu denominadu "La Scala de Ferro" fiat istada unu de sos primos albergos de sa Sardigna. Finas dae sa metade de s'Otighentos fiat istadu impreadu dae sa Guàrdia Natzionale comente a Piazza de Armas pro devènnere, in su 1859, s'Istabilimentu Balneàriu Cerruti, dotadu de binti bartzas pro sos bagnos, de sighida termales. S'ingenieri biellese Antonio Cerrutti l'aiat progetadu e l'aiat costruidu a suas gastadas, pro dotare sa tzitade de bagnos pùblicos.
A s'annu de inauguratzione (1869), torrant a artziare sas duas turres merlate, neogòticas, mentras subra de su de finire de su matessi sèculu fiat istadu costruidu s'avancorpo tzentrale internu, chi s'incraraiat subra de unu fantàsticu giardinu arboradu, ricu de antighidade e òperas de arte. S'albergo, pro manu de su ristoratore Luigi Caldanzano, aiat abertu sos battenti in su santugaine de su 1877 ma fiat finidu a s'asta sèighi annos prus tardos, pro sos dèpidos acumulados dae su cavalier Cerruti. Carchi tempus a pustis de s'ingegner Fulgenzio Setos l'aiat acuistadu, e aiat introduidu sas abbas termales in s'istabilimentu balneàriu, aiat ripristinadu sas piscinas e aiat restauradu sas istruturas alberghieras chi, in sas istampas publitzitàrias de sos primos de su Noighentos, aiant mudadu su nùmene in "Casteddu Setos".
In su 1921 s'albergo, chi si distinghiat pro su lussu de sos ambientes, aiat acollidu su famadu iscritore D.H. Lawrence chi, acumpangiadu dae sa mugere in unu longu permanèntzia in Casteddu, aiat arrendadu un'aposentu panoràmicu de s'avancorpo subra de su viale Regina Margherita. Intre sos pessonàgios famados chi soggiornarono in sos aposentos suos sunt s'istòricu tedescu Teodoro Mommsen (1877), Totò e Carlo Levi.
In su 1961 sa Cumpangia italiana "Jolly Hotels" aiat acuistadu s'intreu cumplessu e a pustis de l'àere sutapostu a unu cuidadu restàuru, l'aiat serradu carchi annu prus tardu. A pustis de longos annos de abbandonu, chi nd'ant decretadu su degradu, sa sorte de s'Hotel est istada detzìdida su 10 freàrgiu 1998, subra de sa base de su progetu presentadu dae s'atuale sotziedade propietària chi at a realizare, in acòrdiu cun su Comunu de Casteddu, sa sede noa de sa Prefetura cun residèntzia atacada e sutastantes parchègios. In su mese de austu 2000, intre allutas cuntierras de tzitadinos e istòricos casteddàios, sunt cumintzados sos traballos de demolitzione de sas istruturas chi ant distruidu o sfigurato s'avancorpo tzentrale cun sas suas elegantes bifore, sos fregi, sos lampiones in ferru adobbadu e sas decoraduras iscultòreas, chi cualificaiant s'albergo intre sos prus importantes monumentos neogòticos de su cabulogu sardu.
Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).
Bibliografia
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 12.
Tipologia Contenuti:
Architetura tzivile
Provincia: Cagliari
Comune: Cagliari
Macro Area Territoriale: Sud Sardigna
CAP: 09124
Indirizzo: viale Regina Margherita, 46
Aggiornamento
Dove si trova
Immagini
Testi
Facebook
Twitter
LinkedIn
WhatsApp
Stampa
Email
Commenti