Biddanoa Forru, Monte Granatico

S'edifìtziu, chi acasàgiat como su tzìvicu Museu archeològicu de Genna Maria, s'agatat in su coro de su tzentru istòricu e ponet fronte sa crèsia parrochiale in s'ispàtziu pùblicu prus importante.
Si tratat de unu sòbriu fràigu chi torrat a artziare a sa fine de s'Otighentos chi s'isvilupat subra de duos pranos, scanditi in manera verticale de lesene e cun aberturas simmètricas respetu a s'intrada printzipale. Su recùperu de s'edifìtziu, dèvidu a s'architetu Roberto Badas, at cunsentidu su decollu turìsticu e econòmicu de sa comunidade.
L'interno, difatis, est oe impreadu a museu archeològicu ammaniadu mescamente cun sos pretziosos repertos de su bidditzolu nuràgicu de Genna Maria, fossadu dae s'archeòlogu Enrico Atzeni dae su 1969 in posca. Sa sala prus significativa est costituida dae s'ambiente tzentrale a dòpiu volùmene, abbandadu unu tempus a s'ammassu de su trigu pro s'intrea comunidade. Belle totu sos ambientes cunservant sos muros in pedra a bista.
Oe s'edifìtziu presentat un'ampliamentu otentu cun s'agregatzione de unas cantas abitatziones traditzionales, torradas a acontzare pro s'allestimentu de mustras temporàneas.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 177

Comente arribbare
In Seddori si lassat sa SS 131 e s'acumprida a sa rugrada cun sa SP 52 pro Biddanoa Forru. Su Monte Granatico est in s'abitadu.