Casteddu, Bancu de Nàpule

S'edifìtziu pesat in su chirru O de su largu Carlo Felice, pagu a largu de una sèrie de palatzos chi acasàgiant istitutos de crèditu e àteras istitutziones.
Su Bancu de Nàpule, presente in tzitade a su mancu dae su 1820, ma in logos diversos, aiat costruidu sa sede noa in s'ex Palatzu Devoto chi in su 1935 aiat subidu una profunda restruturatzione, segundu un'inditu de fatzada neorinascimentale. Custa fiat istada mantenta ancora in su 1957 a pustis de s'abertura de sa bia Mameli subra de su largu Carlo Felice chi aiat rèndidu netzessària sa ricostrutzione de su chirru N de su palatzu e de su ladu S pro sa Banca Cummertziale.
Subra de unu basamentu cun fascas de bugnato longu totu su pranu terra, s'àrtziat un'edifìtziu a duos pranos concruidu dae unu cornicione aggettante. Sas aberturas tenent formas e decoraduras diferentes in sos tres livellos cun una majore atentzione in cuddu intermèdiu ue sunt presentes tìmpanos corcovados e truncados.
Prus cumplessu e articuladu est imbetzes l'interno, gràtzias a sa presèntzia de un'ampru salone otagonale chi isfrutat s'edifìtziu in totu s'artària sua: est cobertu dae una cùpula in bidru funtzionale a s'illuminatzione, resa netzessària de s'istrutura de su matessi lotu de su terrinu. In antis de s'abertura de sa bia Mameli, difatis, su palatzu fiat privu de aberturas laterales, illonghiende·si finas a s'incrarare subra de sa bia Angioy oposta.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
M. Pintus, "Architeturas", in Casteddu Bighinados istòricos. Stampace, Cinisello Balsamo, A. Pitzos, 1995, p. 119;
G. Loddo, Casteddu. Architeturas dae su 1900 a su 1945, Casteddu, Coedisar, 1999, pp. 30 e 40;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 55.