Sos trastos pro s'amparu de sa limba

Esistent tres livellos giurìdicos de promotzione de sa limba sarda: cuddu internatzionale, cuddu istatale italianu e cuddu regionale sardu.
In s'Unione Europea, de sos àteros, su documentu prus importante cale faghet a fàghere riferimentu pro s'amparu de sa limba sarda est sa Carta Europea de sas limbas regionales e minoritàrias aprovada a Istrasburgu in su 1992.
A dolu mannu s'Itàlia, cun sa sola etzetzione de sa Frantza, est s'ùnicu istadu europeu otzidentale a no àere ratificadu custu importante documentu comunitàriu chi ancora isetat de tènnere prena atuatzione in s'ìsula e in totu su territòriu peninsulare.
Sa comunidade sarda, non pro àteru, nointames siat una minoria istòrica reconnota non tenet rapresentantes a su Parlamentu de Istrasburgu nointames sos tentativos fatos in passadu de su Cussìgiu Regionale de sa Sardigna.
Sa limba sarda at agatadu imbetzes su reconnoschimentu ufitziale suo in sa lege 15 nadale 1999, n. 482, "Normas in matèria de amparu de sas minorias linguìsticas istòricas" publicada in sa Gazeta Ufitziale n. 297 de su 20 nadale 1999.
Sa limba isolana no est non pro àteru sa sola a èssere tutelada in Itàlia. Gasi comente totu s'Europa est rica e si bantat de su fenòmenu de sas limbas locales chi, lungi de èssere cunsideradas unu disacatu, contribuint a sa richesa de sa cumplessidade de s'identidade de s'antigu continente nostru.

Aggiornamento

14/7/2025 - 08:54