Piaghe, Quadreria Spano

Est situadu in s'Oratòriu de su Rosàriu, un'edifìtziu domenicanu de su Setighentos, e acasàgiat 31 cantos de sa Quadreria de Giovanni Spano (1803-1878). Sos pintados fiant istados collidos dae s'istudiosu in sas innumerevoli escursiones in sas crèsias e in sos cunventos de sa Sardigna, ma fintzas acuistados, o retzidos in donu de persones autorèvoles de su tempus e donados a sa crèsia de San Pietro in su 1873: "Racumando a su sìndigu pro tempore de cunservare sos cuadros chi deo aia regaladu in su 1875 a su Munitzìpiu. Ma prus racumando chi vìgilet ca su pàrracu de Piaghe curet e tèngiat totus pulidos sos cuadros chi deo aia regaladu a sa Parròchia finas dae su 1873 e chi trovansi aia apicadu in sa navada de sa crèsia e intro sa sacrestia. S'in casu contràriu si ne impossessi su Munitzìpiu, los bendat e totu su chi nd'at a ricavare s'impreet in òperas pùblicas (documentu de su Registru de sas Deliberatziones de su Cussìgiu de su 1878", cunservadu in s'Archìviu Istòricu Comunale, e cunforme a su testamentu olografo de Giovanni Spano, retzidu dae su notàriu Sebastiano Castos de Casteddu).
In custa espositzione figurant sos pintados prus importantes de sa collida (unas àteras 29 òperas sunt cunservadas in sa Casa Rettorale): "Sacra Famìlia", de su Maestro de Otieri, bènnidu de sa crèsia de San Pedru de Piaghe; sas òperas de sa Lassa Spano (S. Domenico,1340-1350, atribuidu a Franceso Neri de Volterra; "Madonna cun su Pipiu e Santi", sèculu XV, atribuida a Domenico de Michelino; "Stimmate de S. Francesco", sèculu XVI, atribuida a Pietro Cavaro; "Madonna cun su Pipiu", sèculu XVI, atribuida a Paul Coecke, e donada a su Spano de su Cibrario; "Adoratzione de sos Magi", sèculu XVI, atribuida a unu pintore de cultura grega; "SS Girolamo e Domenico e Trinidade", sèculu XV, atribuidos a Francesco Pinna; "S. Domenico", sèculu XVIII, acuistada dae s'archipìscamu Marongio; "Re-tràidu de Gentiluomo", sèculu XIX, de disconnòschidu autore; "Depositzione", sèculu XVII, de disconnòschidu autore; "Incoronatzione de sa Vèrgine", sèculu XVIII, atribuida a Giacomo Altomonte); "Maddalena", sèculu XVII , de disconnòschidu autore; "Re-tràidu de Clemente XIV", sèculu XVIII, de disconnòschidu autore.
Sunt in prus presentes sos cuadros de su primu nùcleu de sa Pinacoteca de Piaghe, acuistados a Casteddu in su 1784 de su retore Demurtas pro los espònnere in sa sala de su Palatzu Rettorale ("S. Callina de Alessàndria", "Immacolata", "S. Bàrbara" e "S. Agnese", atribuidos a su Maestro de su Capìtulu; "Cristu a sa Colonna", "Ecce Homo", "Vergine assùmida" e "S. Girolamo" de disconnòschidos autores). De unos àteros pintados non si connoschet sa provenièntzia ("S. Sebastiano curadu dae sos ànghelos", sèculu XVII, de disconnòschidu autore; "S. Bernardo de Afidat", sèculu XIX, de disconnòschidu autore; "Madonna de sa Misericòrdia", sèculu XVII, atribuidu a Baccio Gorini; "Re-tràidu de Giovanni Spano", sèculu XIX, atribuidu a Emilio Scherer). S'espositzione a su presente est collocada in un'ùnica sala chi a prus cuntenet sos favolosi arredos originàrios de s'Oratòriu de su Rosàriu. Nointames est chèrrere de s'amministratzione comunale de acasagiare in s'oratòriu de su Rosàriu totu sa colletzione Spano impreende sa sacristia e sa tribuna. Su percursu s'aberit cun su "Retratu de Giovanni Spano" de Emilio Schrer, e si concruit cun sa "Trinidade" de Francesco Pinna. Non sunt presentes barrieras architetònicas.

Ca est importante lu bisitare
Sas òperas chi s'illustre istudiosu ploaghese Giovanni Spano aiat lassadu in eredade a sa Parròchia de San Pietro andant insertadas in s'ampra initziativa furriada a s'amparu de su patrimoniu artìsticu de sa terra sarda, tantu cara a su Spano; su totu si contivigiat cun s'istèrrida de unu catàlogu descritivu de sos pintados cunservados in sa privada pinacoteca de Piaghe.

Tag

Categoria Struttura: Museu, galleria e/o collida

Tipologia Contenuti: Arte

Fruibilità: Abertu

Provincia: Tàtari

Comune: Ploaghe

Macro Area Territoriale: Nord Sardigna

CAP: 07017

Indirizzo: piazza S. Pietro, s.n.c.

Telefono: +39 349 3672110 +39 079 4479911

Email: rosa.anna.cadau@alice.it

Sito Web: www.comune.ploaghe.ss.it/pg/pinacoteca/15

Informazioni sui biglietti e sull\'accesso: Sa quadreria Spano est fruibile petzi cun s'acumpagnamentu de sa referente-curadora de sa pinacoteca: dott.ssa Rosa Anna Cadau, previa aparauladura telefònica a su nùmeru +39 349 3672110.

Modalità di accesso: De badas

Aggiornamento

12/6/2025 - 13:04

Servizi

Visite guidate