Villacidro, Farmamuseo Ischit Potecaria

Finas a non meda tempus faghet, sos sèneghes villacidresi impreaiant duos antigos vocaboli de sa limba sarda, ma de orìgine grega, "potecàriu" e "potecarìa" pro faeddare de su potecàriu e de sa potecaria, e de custu pigat su nùmene su Museu. In sos locales de su Farmamuseo, otentos torrende a acontzare su betzu fràigu de sa "domo Lussu", est cunservada una collida rica meda de arredos, aparitzos e trastos de potecària, datàbiles intre su XIX e su sèculu XX, testimonia de comente a si curaiant sos babbos nostros e sos mannois nostros. Su nùcleu originàriu de custa collida est costituidu dae sos ogetos apartentos a sa betza potecaria aberta in su 1905 de su sennore Luigi Mancosu e bèndida dae sas erederas suas, pro sessantamila liras in su 1928, a su dotore Nino Fanni de Gùspini. A pustis de sa tzèdida, fiat istada dotada de unu piticu laboratòriu pro sas preparatziones galeniche e sas anàlisis chìmicas, chi faghent parte de sa colletzione missa in mustra in su farmamuseo. A dolu mannu un'atentadu dinamitardu, acontèssidu su 15 austu de su 1945, aiat distruidu grandu parte de sas pretziosas atretzaduras. In un'àngulu de s'atuale potecaria, s'est chircadu de torrare a costrùere sa betza potecaria villacidrese impreende sas originales atretzaduras e sos betzos cimeli subravìvidos a sa bomba, ma fintzas sos achistos noos fatos, in giru pro su mundu, de su dotore Nino Fanni, intre sos cales sunt interessantes in manera piessigna sos meighinales distribuidos dae s'esèrtzitu americanu durante sa de II gherras mundiale e unu trastu pro s'elettroshock a manovella. In fines, est ammaniada fintzas una pitica biblioteca ispetzializada chi cuntenet antigas publicatziones de farmacopea.

Ca est importante a lu bisitare
In s'interessante meda "Farmamuseo Ischit Potecaria" sunt cunservados e espostos arredos, utensili sanitàrios e farmatzèuticos, ogetos e aparitzos, chi apartenent a un'arcu cronològicu cumprèndidu intre su 1600 e su 1900, inerentes s'istòria de sa potecaria e de s'arte sanitària in generale.