Tèmpiu, Istatzione ferruviària

S'istatzione de Tèmpiu est cuntemporànea de sa tardiva inauguratzione de sa ferrovia Sassari-Tèmpiu chi torrat a artziare a su 1931.
Basadu subra su traditzionale modellu de s'istatzione de trànsitu chi girat su fronte printzipale a s'abitadu e si còllocat in manera parallela a sos binàrios, s'edifìtziu tenet unu prospetu scandito in manera simmètrica de curnisas e aberturas in perfeta currispondèntzia cun cuddu cara a su caminu ferradu, cumpletadu dae una bella pensilina in ferru. Sa cura de sas minudas est ladina in s'impreu de sos matones in cuntrastu cun s'intonaco e sas alas istruturales in granitu, in sos pintados de sas lunette e in sas fascas geomètricas chi sutalìniant sos muros, in sas iscritas de servìtziu, in sos arredos a dolu mannu no in manera integrale cunservados.
Est in manera piessigna importante s'ala decorativa de Giuseppe Biasi, chi aiat esecutadu sas pinturas pro l'interno intre su cabudanni e su santugaine 1931. Sos pintados, in ala pèrdidos, rapresentant iscenas de vida de su campu, destinadas a sos muros de s'atrio e a momentos de vida fitiana pro sa sala de aspetu de sa prima classe: totus sunt caraterizados dae ampras istèrridas de colore, siat cupu, siat vivace e brillante.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
G. Altea-M. Magnani, Giuseppe Biasi, Nùgoro, Ilisso, 1998, pp. 231, 236-237;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 47.