Sassari, Padiglione pro s'Artesania ''Eugenio Tavolara''

Su padiglione est atzufadu in su birde de sos giardinos pùblicos in curtzesa de s'Emiciclo Garibaldi.
Su padiglione, realizadu pro s'ÌSULA in su 1956 cun sa fine de espònnere e avalorare sos produtos de s'artesania sarda, est s'òpera prus significativa de Ubaldo Badas. Fiat istadu realizada cun su recùperu de sas possibilidades espressivas de sos materiales, in manera vària impreados e cumbinados in sos acostamentos cromàticos, in su disponimentu de sas tèssere coloradas, in sas barandìllias fantasiosamente decoradas. Oe s'edifìtziu resurtat in manera notèvole alteradu siat in sas aberturas in ala tamponate, siat in sos ispàtzios internos.
Sos volùmenes de su fàbricu si presentant a s'esternu in manera articulada e movimentada meda e racchiudono sos ampros ispàtzios espositivos internos: in su pranu terra sunt presentes sos netzessàrios pilastros, mentras un'iscala interna, decorada cun sos rilievos in steatite de sa ''Caddigada sarda'' de Eugenio Tavolara, giughet a s'ispàtziu ùnicu de su livellu superiore.
Su nùcleu tzentrale est sa corte ue s'incrarant sas luminosas vetrate de sas salas pro espositzione sustentadas dae lèbios pilastros, mentras a s'esternu su longu muru acumpàngiat una sorta de ''percursu de abba'' in sa bartza avalorada dae sos rilievos in tzeràmica colorada cun figuras de animales e de òmines, òpera de Giuseppe Silecchia, autore fintzas de sa grandu iscultura in maiolica collocada in su patio.
Intre sas mudadas prus importantes si signalat sa serrada de su muru E, unu tempus aberta dae una longa ventana retangulare e oe imbetzes caraterizada dae un'ampra superfìtzie tzurpa, e s'iscala esterna, chi como imbarat subra de s'adobbadu, ma in realidade fiat suspesa subra de s'abba de una bartza prus manna de s'atuale cun un'efetu de istraordinària leggerezza.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
"A Sassari, mostra dell'artigianato sardo", in Domus, 328, 1957, pp. 37-44;
G. Altea-M. Magnani, Pittura e scultura del primo '900, collana "Storia dell'arte in Sardegna", Nuoro, Ilisso, 1995, pp. 164-65;
F. Masala, Architettura dall'Unità d'Italia alla fine del '900. Nuoro, Ilisso, 2001, scheda 153.