Mary Davey

"Pedo sa màssima indulgenza pro custu piticu produtu literàriu chi dia chèrrere presentare comente a unu retratu abbotzadu in manera fidele de sa prus manna e prus pagu connota de sas solianas ìsulas de su Mediterràneu. Ichnusa est s'istraordinàriu nùmene de sa Sardigna; s'ìsula, chi est istada de bia in bia colonizada dae Fenìtzios, Cartaginesos, Romani, Ispagnolos, Pisani e Genovesos, e cunservat ancora medas interessantes memòrias de custas numerosas dominatziones. Como s'agatat suta de su domìniu de s'antiga domo de Savoja, cunferende gasi su tìtulu de re de Sardigna a su prìntzipe de Piemonte, duca de Savoja e Gènova".
Gasi in sa prefatzione Mary Davey aberit su contadu de sa permanèntzia sua in s'ìsula, duradu dae su 1848 a su 1850, e chi tenet comente a tìtulu "Ichnusa, duos galanos annos in s'ìsula de Sardigna", imprentadu a Londra in su 1861 e cale at a fàghere sighida unu segundu,"Sardinia", de su 1874.
Si tenent pagas noas subra de custa insòlita biagiadora assolada, ùnica fèmina de s'Otighentos a nche contare s'esperièntzia sua, ma non tzertu ùnica inglesa: àteros l'aiant pretzèdidu e l'ant a sighire, gasi comente nudridu est su grupu de conterranei residentes in Casteddu chi sa Davey si giughet a agatare in pessu chi isbarcada in sa capitale e a sos cales, in su cursu de s'òpera faghet continu riferimentu, contende·nde sa vida in una terra bene diferente de s'issas: "Apo intesu afirmende vàrias bias, e nche creo, chi sos inglesos residentes in terra istràngia siant sas pessones prus galanas de su mundu"; e ancora: "sunt sas pessones prus bonas de su mundu, proverbialmente imprudenti e in manera orrorosa ostinati". Est un'imprendidora, e - in prus de sos motivos de pràghere - cun probabilidade meda lompet a s'ìsula pro sondare sa possibilidade de raportos cummertziales cun una terra chi deviat apàrrere comente a rica de risursas e ocasiones de arrichimentu. Su suo est unu contadu romanzato, tzitat sas paràulas de sos cumpàngios de biàgiu, arrichit cada descritzione cun cunsideros, cabos, paragones cun sa terra sua; osservat sa balia, su vociare, su movimentu de sas pessones. Est protestante, e cun un'atzentu marcadu descriet e crìtica costumàntzias religiosas chi non cumprendet, o chi sunt larganas de sas abitùdines suas: "Totus cuddos cultos religiosos tzelebrados cada die in s'ìsula ischint belle de idolatria; finas sa profunda devotzione e s'assoluta fide sunt bellas meda de osservare e tenent s'efetu issoro subra de s'imaginatzione, si non fintzas subra de su coro".
A traessu de su contadu de sa vida de sos inglesos in s'ìsula, sa Davey nos cunsignat s'ùnica "mirada" feminile de sa Sardigna de su Otighentos.

Aggiornamento

25/6/2026 - 13:27