Itireddu, Civico Museu Archeològicu e Etnogràficu

Su museu est costituidu dae una setzione archeològica e de una setzione etnogràfica.
Sa prima setzione acrarit sos resurtados de sas chircas archeològicas fatas in su territòriu comunale. Pro s'edade prenuragica sunt espostos sos materiales neolìticu-eneolìticos de sas domus de janas de Monte Pira, unos àteros materiales de cultura Otieri, e unu menhir a cantos.
Un'ispàtziu est dedicadu a sa tziviltade nuràgica, rapresentada siat a traessu de sos pannellos esplicativos de sos printzipales monumentos de su territòriu, siat cun sos repertos bènnidos de su Monte Zuighe ue si fiat isvilupadu su bidditzolu riferibile a su nuraghe Funtana.
De notèvole interessu, intre sos materiales de su nuraghe Funtana, sas duas mesigheddas dae pedra atzapados in sa càmera de sa turre tzentrale e unu bacile in pedra; notèvole fintzas su vasu cun cobercu continente in prus de 19 chilos de ràmene in lingotos.
Est possìbile in prus bìdere su calco de su famadu modellent bronzeo de nuraghe e cabanna agatadu a Itireddu e cunservadu acanta su Museu Archeològicu Natzionale de Casteddu.
Pannellos e repertos espostos acrarint fintzas su perìodu romanu e medievale: materiales tzeràmicos de edade romana e medievale, monedas, monili, ma fintzas sas tèulas cun su bullu de Àutas, liberta de Nerone.
Sa setzione etnogràfica, corredata de pannellos esplicativos e documentatzione fotogràfica, esponet manufatos attinenti a aspetos de sa cultura traditzionale, comente a su traballu massaju, su pastoriu e sas tècnicas de traballadura de su late, l'atretzo, o ancora sa preparatzione de sos durches e sa panificazione.

Ca est importante lu bisitare
Su museu sintetizza s'istòria de su territòriu de Itireddu e de sa Sardigna dende a su visitadore inespertu, mescamente a sos pipios, sas primas informatziones fundamentales de archeologia e traditziones de s'ìsula.