Pietro Delitala

Pietro Delitala si discosta de sos autores de su matessi perìodu ca sèberat sa limba italiana, o pro mègius nàrrere, toscana, in unu su momentu chi custu idioma est belle de su totu abbandonadu in Sardigna. Naschet in su 1550 a Bosa in una famìlia de orìgine de nòbile. Su babbu fiat Nicolò e sa mama Sibilla de Sena, fìgia de su Giovanni visconte de Seddori chi aiat partetzipadu a sa rebellia de Lenardu de Alagòn. Colat bona parte de sa vida sua in Itàlia, de esule, a càusa de unu fatu sentimentale cun una fèmina maritata finida malu. In particulare s'amparat a Siena, acanta sa famìlia de sos Piccolomini, parentes a banda de mama. Est folgorato de s'òpera poètica de Torquato Tasso, de su cale at a restare unu fidele ammiradore. Dissipadu su patrimòniu est custrintu a torrare a s'ìsula ue est arrestadu pro unu protzessu inquisitorio subra de chistiones de fide. Si sarvat de su rogo gràtzias a s'intertzessione de su pìscamu de Bosa, Giovanni Francesco Fara, fundadore de s'istoriografia sarda.
In sa premissa a sa collida de sas Rimas "diferentes suas", publicada a Casteddu in su 1596, issu matessi s'iscusat de impreare una limba chi est "a beru aliena meda de nois" e "de pagos meda cumpresa pròpiu", imbetzes de "iscrìere in limba sarda comente a materna, o ispagnola comente a prus impreada, e retzida, in custa ìsula nostra". Sas poesias suas sunt alliniadas a sos stilemi manieristici chi andaiant de moda in sos annos de sa permanèntzia sua in Itàlia.

Aggiornamento

23/6/2026 - 15:19