Sa nàschida de s'arte

Anela, Sos Furrighesos, tumba 8, parides sud de sa tzella b. Foto de Marco Ceraglia, de IDV

Sas primas atestatziones in Sardigna de produtos "artìsticos" torrant a artziare in cronologia a su Neolìticu inferiore, cando in s'ìsula cumparent subra de unos cantos manufatos umanos sos primos sinnos de decoradura: sunt sas decoraduras "cardiali", otentas cun s'impreu de una conchiglia denumenada Cardium. Las agatamus subra de sas superfìtzies de sas formas vascolari relativas a custu perìodu e a sa cultura detat apuntu "Cardiale".
Partinde dae custu momentu cronològicu, sa presèntzia de sa decoradura de sas superfìtzies de sos vasos tzeràmicos at a rapresentare una costante de sas vàrias "culturas" preistòricas chi s'ant a sutzèdere subra de sa terra sarda, mancari cada cultura at a resurtare caraterizada dae peculiares ischemas decorativos, tècnicas de decoradura e estensione de sas superfìtzies decoradas.
Sas primas manifestatziones de "arte figurada" sunt sas faccine umanas o protomi animales realizadas subra de sas anse o subra de sas superfìtzies de sos vasos o fintzas subra de manufatos in ossu. Est su casu de una spatola in ossu (Ischit Ucca de subra de Tintirriolu, Mara) decorada, subra de sa tzima de sa màniga, cun una faccina umana.
Ancora prus in manera crara "artìsticas" aparint posca sas statuine de "dea mama" neolìticas e eneolitiche, est a nàrrere statuine de piticas dimensiones rafigurantes figuras feminiles rapresentadas, a segunda de sa fase cronològica e culturale, segundu istiles diferentes.
Signalamus in fines sos monolites eneolìticos denominados "istàtuas-menhir", classificados comente a "maschiles" (cun pugnale) o "feminiles" (cun mammelle).

Aggiornamento

10/4/2026 - 11:24