Sa literadura in italianu

Retratu de Sebastiano Satta

In particulare in su segundu Otighentos e in sa prima metade de su Noighentos s'italianu s'imponet cale limba printzipale de sa cultura, in prus de chi de s'ufitzialidade polìtica. S'ispagnolu est oramai unu sbiadito ammentu, mentras su sardu arretra, nointames sa literadura peculiare sua produat òperas e figuras de una sconcertante modernidade comente a sas de Pascale Dessanai e Peppino Mereu.
Sos tzetos intelletuales regionales s'allargant e impreant prevalentemente s'italianu mancari, in una prima fase, possedint ancora su sardu. S'iscola s'estendet, s'istampa si difundet, s'impreu pùblicu s'afòrtiat e totu custu favorit sa creatzione de unu tzetu mèdiu de sos interessos chi superant sas làcanas regionales. S'Istadu imbiat in Sardigna insegnantes, funtzionàrios, dirigentes "de su continente" contribuende a difùndere sa limba dominante. Si difundent rivistas de cultura literària prevalentemente italiana e si pùblicant libros cun sas tradutziones, in italianu, fintzas de grandu òperas internatzionales.
Chie iscriet in Sardigna aspirat a èssere letu fintzas oltremare. De inoghe su sèberu inevitàbile, detada dae sas cunditziones istòricas, in favore de s'italianu. Enrico Costa, Sebastiano Satta, Grazia Deledda otenent resurtados importantes. Ma fintzas unos àteros intelletuales cales Ottone Bacaredda, Salvatore Farina, Stanis Manca, Raffaele Garzia, Carlo Brundo si signalant in su primu Noighentos. Fintzas sa limba sarda s'adèguat a sa modernidade e agatat in su tedescu Max Leopold Wagner s'istudiosu chi l'at a fàghere connòschere a su mundu.

Aggiornamento

25/6/2026 - 10:14