Argomenti
Argomenti
Cada època e cada cultura si caraterizant, intre sas àteras cosas, pro sa capatzidade pròpia de elaborare peculiares espressiones de custu chi mutimus "arte".
Custu balet fintzas pro sa tziviltade nuràgica chi aiat ischidu espressare s'identidade pròpia fintzas a traessu de sa forma artìstica.
Comente giai pro s'edade prenuràgica, fintzas pro edade nuràgica tenimus una sèrie de produtos de cultura materiale chi testimòniant su de si manifestare de un'articuladu sentidu estèticu.
Tale sentidu estèticu si fiat espressadu in sa forma sua prus simpre innanzi totu subra de sas superfìtzies de sas produtziones vascolari tzeràmicas, manifestende·si in duos modos: siat cun sa "presèntzia" (duos esèmpios: sa decoradura "metopale" e sa decoradura "a pettine") siat cun s'"ausèntzia" de decoradura vascolare.
Pro "ausèntzia" cumprendimus etotu sa totale farta de elementos decorativos chi caraterizat diversas castas vascolari de edade nuràgica, mescamente in sas fases prus antigas.
No est, comente a diat pòdere pàrrere, disagualadu signalare comente a pertinente a sa dimensione estètica tale ausèntzia: issa difatis manifesta in manera crara s'agradu a banda de sas gentes nuràgicas de unu sèberu estèticu chi non timet de ofèrrere a sa pertzetzione visiva sa pura forma funtzionale de sos ogetos de impreu fitianu e custa no est affatto un'evidèntzia banale de su puntu de bista culturale.
Colende a sas produtziones artìsticas in sentidu pròpiu, devimus ammentare sas piticas isculturas in brunzu (sos "bronzetti") e sa manna istatuària in pedra (sos "gigantes" de Monte Prama).
Aggiornamento
Audio
Facebook
Twitter
LinkedIn
WhatsApp
Stampa
Email
Commenti