Sa de tres editziones de sa rassegna tzinematogràfica ‘Nosu e is atrus’ sighit finas a santandria: projetziones cun intrada de badas chi ant a propònnere, a sa presèntzia de sos registas, filmados e longumetràgios girados in sas limbas minoritàrias.
Sa rassegna tenet s'obietivu de arrichire s'oferta culturale tzitadina e de promòvere traballos realizados in Sardigna ponende a cunfrontu film chi contant esperièntzias de vida ligades a sa tzitade, a sos pessonàgios e a s'istòria de Casteddu (Nosu) cun unas àteras pellìculas chi afrontant puntos de bista sìmiles in unos àteros logos de sa Sardigna (is Atrus).
Sa segunda ala de sa rassegna s'at a acumprire intre santugaine e santandria: domìniga 1 santugaine a su teatru Massimo de Casteddu b'at a àere s'anteprima de sa de oto editziones de su Babel film fèstival cun sa projetzione de sos filmados binchidores de su prèmiu Kentzeboghes 2022: “Sonallus” de Tomaso Mannoni e “Giosso cun Giuali” de Michela Anedda. Gràtzias a sa collaboratzione cun su teatru Massimo de Casteddu e s'assòtziu Jazz in Sardigna, a concrusione de sas projetziones s'at a ammustrare su cantautore tabarchinu Matteo Leone in s'àmbitu de sa 43esima editzione de su fèstival European Jazz Expo.
Sas ùrtimas duas seradas de sa rassegna s'ant a acumprire a su tzìnema Odissea de Casteddu. Su 26 santugaine b'at a àere sa projetzione de su film “Arbores – S'istòria pèrdida de sos àrbores de sa Sardigna” de Francesco Bussalai. Su 2 santandria sa projetzione de sos filmados S'ùrtima Habanera (2021) de Carlo Licheri, Mammaranca de Francesco Piras (2022), Discu Volante de Matteo Incollu (2016), Ausonia (2019) de Giulia Camba e Elisa Meloni.
Intrada de badas
Sa rassegna s'insertat intre sas fainas collaterales de sa de ses editziones de su prèmiu Kentzeboghes chi est sustentadu dae sa Fundatzione Bancu de Sardigna, de sa Regione Autònoma de sa Sardigna cun su patrotzìniu de su Comunu de Casteddu e de sa Tzitade Metropolitana de Casteddu e cun sa collaboratzione de sa Sardigna film commission.
Inizio:
2023-05-31
Fine:
2023-11-02
Contatti struttura:
Assòtziu Culturale Babel
Viale Muristeni, 114 B - 09122 Casteddu (CA)
Curreu eletrònicu: assotziubabel@gmail.com
Facebook: www.facebook.com/associazionebabel
Tel: +39 333 5285619
Aggiornamento
16 Cab 2023 - 3 Mar 2024
29 Cab 2023 - 26 Onn 2023
26 Cab 2023 - 9 Onn 2023
Facebook
Twitter
LinkedIn
WhatsApp
Stampa
Email
Commenti