Terranoa, Tzentru cummertziale ''Terranova''

Su tzentru cummertziale s'isvilupat subra de una superfìtzie ampra meda a sos oros de s'abitadu de Terranoa, insertende·si in sa casta de edifìtzios pro sa grandu distributzione oramai difusa meda e caraterizada dae istruturas ripetitivas.
Su tzentru cummertziale ''Terranova'' fiat istadu realizadu in su 1996-97. S'architetu Aldo Rossi at ischidu torrare a interpretare su tipu edilìtziu in manera in manera assoluta noa e personale. Si tratat de unu grandu edifìtziu chi presentat duos artos pilastros antales su muru istampadu dae aberturas chi cunsentint ateretantos coladòrgios a su beru e etotu intrada: custu tenet unu fronte cun fascas a duos colores acchidados de andesite e basalto e abertu ''a ventaglio''. Longu sos chirros sas colunnas lisce incastonate in sa muratura torrant a cramare sa cultura clàssica. In manera piessigna interessante est s'impreu de materiales diferentes chi ponent in evidèntzia sos colores fintzas brillantes de s'edifìtziu.
A s'internu est galu prus ladinu s'orìgine geomètrica de sos ispàtzios ue sos puntos de giuntura formant unas cantas piazzette - una tzirculare a truncu de conu, sas àteras retangulares - totus funtzionales e ùtiles a su percursu longu sas butegas chi s'incrarant subra de una galleria, illuminada dae una lughe tzentrale zenitale.
Siat su truncu de conu, evidentemente sugeridu dae su putzu nuràgicu de Santa Cristina de Paule, siat sos materiales impreados rivelant su recùperu de sa cultura architetònica de s'ìsula in manera piessigna amada dae Rossi.
In su progetu e in sa realizatzione s'architetu Aldo Rossi s'est bàlidu de sa collaboratzione de Michele Tadini e de s'Arp Studio.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de sa ''Istòria de s'arte in Sardigna'' subra de s'architetura oto-novecentesca (2001).

Bibliografia
''Tzentru cummertziale Terranova'', in Istare, 1998, 373, pp. 192-197;
Aldo Rossi. Totu sas òperas, a cura de A. Ferlenga, Milanu, Electa, 1999, pp. 426-427;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 180.