Ceraxus, Si 'e Boi

Sos restos de sa distilleria de Antonio e Sebastiano Boi s'agatant in un'àrea devènnida pùblica manna, a impinna a sa parrochiale de s'Assunta in prenu tzentru urbanu.
S'istabilimentu industriale fiat istadu impiantato in su 1883 pro abarrare ativu finas a sos limenàrgios de sa segunda gherra mundiale. Sa sèrie de edifìtzios, impreados fintzas comente a allògios militares intre su 1943 e su 1946, est oe nòdida cun su nùmene de Si 'e Boi: abarrant unas cantas istruturas inserradas in un'ispàtziu sistemadu a birde pùblicu e, mescamente ladinu pro sa notèvole artària, s'ispetaculare ciminiera, costruida in matones a bista cun solutziones de tipu coltu in sos dentelli, in sas arcature tzurpas, in sas modanature.
Si tratat de unu bell'esèmpiu de archeologia industriale, chi in manera singulare torrat a cramare sas ciminiere de sos bidditzolos operajos tardottocenteschi, visìbiles mescamente in s'Itàlia setentrionale e caraterizados dae richiamos a s'architetura colta neomedievale.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 44

Comente arribbare
S'abitadu de Ceraxus est contiguo a sa tzitade de Casteddu, chi si podet sighire a discansu de su cabulogu cursende viale Marconi.