Nùgoro, Palatzu de su Guvernu

Su fràigu fiat nàschidu comente a sede pro su Gèniu Tzivile (1936), ma fiat istada deretu destinada a palatzu de su guvernu, comente a s'inditaiat tando sa prefetura, pro s'impossibilidade econòmica de acumprire su cuncursu de su 1929-32 pro cudda istitutzione.
In base a tale cuncursu bandidu in su 1929, ma cun longas e inconcludenti fatos, s'edifìtziu deviat pesare subra de un'àrea a forma de trapètziu subra de dislivellos antale sa betza istatzione ferruviària, ue est oe su Palatzu de sa Provìntzia. Intre sos progetos prus significativos su de s'illustre architetu Cesare Bazzani, acadèmicu de Itàlia, frunidu in duas versiones comente si siat non realizades.
S'edifìtziu atuale presentat s'intrada printzipale subra de s'àngulu de s'àrea, incuadradu dae un'ùnica curnisa in pedra artifitziale chi abbratzat sos tres livellos, acollende in s'òrdine su portale, su curridore, una ventana. Subra de sos àteros duos chirros s'isvilupant sos tres pranos cun duos òrdines de aberturas a arcu in sos primos duos, e unu, superiore, de ventanas isvilupadas in longària, segundu sos printzìpios de su Movimentu Modernu.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
F. Masala, "Sas tzitades sardas in su Ventennio", in Sas tzitades de fundatzione in Sardigna, a cura de A. Lino, Casteddu, CUEC, 1998, pp. 189-190;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 89.