Nùgoro, Catedrale de Santa Maria de su Nie

Nùgoro est unu tzentru de antiga orìgine ma de formatzione urbana reghente. Sa catedrale est in su tzentru, subra de sa punta chi sos Nugoresos mutint "ischit tanchitta", appartato respetu a sos bighinados istòricos de Seuna e de San Pedru.
Sa catedrale de Santa Maria de su Nie pesat subra de s'àrea de un'antiga crèsia chi su pìscamu Giuanne Maria Bua aiat detzìdidu de torrare a costrùere, beneighende in su 1835 sa prima pedra.
Numerosas sos fatos chi aiant rallentadu sos traballos: in su 1840 aiat mortu su progetista intre Antonio Cano, ruende de unu ponteggio ammaniadu in sa fàbrica; a pustis de pagu tempus aiat mortu fintzas Bua. Petzi in su 1846 sos traballos fiant istados torrados a leare suta de sa diretzione de su tataresu Vittorio Fogu, su matessi chi deghe annos in antis aiat giutu a tèrmine su fràigu de sos cappelloni de sa navada in sa crèsia majore de Aristanis. In su 1853 missennore Zunnui-Casula aiat pòdidu beneìghere sa catedrale noa.
S'edifìtziu, maestosu, dòminat una pratza manna a beru. Su prospetu timpanato presentat a sos chirros duos campaniles gemellos. Sa fatzada est signada dae bator monumentales colunnas in granitu iscumpassadas dae capitellos iònicos chi sorreggono una simpre meda trabeazione e si concruit cun unu tìmpanu triangulare chi torrat a cramare ammajos palladiane, tantu caras a su progetista Antonio Cano.
Sos costàgios esternos sunt caraterizados dae su disinnu sinuoso de sas àbsides de sas capellas laterales, cun craros riferimentos borrominiani.
L'interno tenet un'ùnica navada coberta cun bia a carrada cun ampras ventanas de cales intrat una bona lughe, chi creat efetos chiaroscurali tìpicos de su Cano. Tres capellas pro ladu, absidate e cobertas cun piticas bias emisfèricas, comùnicant intre issas a traessu de arconi. Si creant gasi tres navadas e est tratzada unu fundu a rughe cando chi no esistat una crusiera cun relativa cùpula. Sa trabeazione annòditat sos efetos chiaroscurali.
Su presbitèriu, sopraelevato, est caraterizadu dae un'istrutura in cale dòminant rigorosas geometrias, cun unu s'alternare de su màrmaru biancu e de sas specchiature polìcromas unidas a festones dorados.

Istòria de sos istùdios
Sa crèsia est ogetu de una sintètica ischeda in su volùmene de Salvatore Naitza subra de s'architetura tardoseicentesca e purista (1992).

Bibliografia
C. Maltese-R. Serra, "Episòdios de una tziviltade anticlàssica", in Sardigna, Venètzia, 1969;
S. Naitza, Architetura de su tardu '600 a su classitzismu purista. Nùgoro, Ilisso, 1992, ischeda 78;
Consulta Beni Culturales Eclesiàsticos. Itinerari de sa fide in terra de Nùgoro, Nùgoro, 2000.