Norghiddu, Museu de s'Imàgine e de su Design Interativu

Su Museu de s'Imàgine e de su Design Interativu, naschet pro èssere un'unicum in su panorama regionale, unu scrigno ue s'Imàgine - in sas suas sfaccettature - faghet de mere. Movende de una colletzione permanente de comics, su M.I.D.I. s'òcupat de promòvere s'arte cuntemporànea, cun un'ogru atentu subra de su ruolu chi rivestit su giornaleddu in su mundu artìsticu. Ma s'innovatzione bera e tangìbile de su museu est sa de permìtere a sos visitadores un'excursus in su panorama comics, a traessu de su gosamentu de giornaleddos de època, a traessu de s'istùdiu de disinnos e iscenegiaduras, cunfrontende·los in base a sas domos editoras e a sos artistas chi si sunt sutzèdidos in su tempus.
Sos visitadores, in prus, tenent sa possibilidade de isfogiare e lèghere su materiale musealizzato, de aprofundire sa letura de comics, de sos prus connotos a sas noas publicatziones, e fintzas, gràtzias a sa presèntzia de una sala attrezzata, projetare dvd a issoro seberada e/o assistire a projetziones.
Acanta a sa permanente, sunt istadas pessadas mustras temporàneas e eventos chi sutalìniant su ruolu de s'Imàgine in sos vàrios campos de s'arte, de sa cultura, de s'istòria, de sa sotziedade e de s'identidade.

Ca est importante lu bisitare
A traessu de un'istùdiu de sas prus importantes publicatziones, su visitadore tenet sa possibilidade de èssere acumpangiadu a su connoschimentu aprofundidu de sos vàrios istiles artìsticos: de sa Panini a sa Marvel, de Bonelli a sos Manga, de Manara (su disegnadore de su pessonàgiu Adrian) a sos fumettisti de romanzos istòricos e unos àteros màchinas prodùidos chi sunt resèssidos a ritagliarsi unu ruolu in su panorama extra isolanu.