Mogorella, Protonuraghe Friarosu

Su monumentu pesat subra de unu pranu calcàreu (m 420 s.l.m.) delimitadu dae su spartiacque de su riu Canadesos de Mogorella e de su riu Funtana Bella de Sant'Antonio Arruinas.
Su nuraghe est de su tipu "a passadissu". Subellittico (m 21,00 assas NS x m 12,00 assas EO), presentat un'artària màssima resìdua de m 5,00. Su paramentu muràriu esternu, leggibile craramente petzi in su chirru a O cun 7 filari, est costituidu dae blocos de dimensiones decrescenti cara a s'artu, pagu o nudda traballados e dispostos a filas non regulares.
A su monumentu s'adossaiat, in su cuadrante espostu a NE, unu corpus agiuntu dae su profilu curvilineo (m 7,50 de diàmetru), como reduidu a unu petzi filare de blocos (artària màssima resìdua m 1/1,50).
S'intrada de su monumentu (m 1,00 de larghesa), furriadu a SSO, est iscumpassadu dae un'architrave subrettangolare (m 2,20 x 0,70 x 0,60 de profundidade) afortigadu de finestrinu de iscàrrigu. Su passadissu retrostante, istrintu e allongadu (m 4,00 x 1,00 de larghesa) presentat una cobertura tabulare. A s'internu sunt presentes duos ambientes, A e B, de pranta subellittica, dispostos longu s'asse NS. S'ambiente A (m 6,50 x 4 de larghesa), atzessìbile mediante su subra numenadu passadissu piattabandato, cunservat ala de su paramentu muràriu costituidu dae lastre ladas chi s'interponent a grussos blocos grezzi. S'ambiente B, chi mesurat m 6,00 x 4,00, tenet muros aggettanti e cobertura intata a ogiva tronca (m 4,00 de artària). Unu de tres ambientes C, fintzas issu de pranta subellittica (m 5,30 x 2,40 de larghesa), comunicaiat fortzis cun su vanu B. In su muru NNE, de s'andamentu curvilineo, s'aberit una finestrella. Est dàbile chi s'ambiente C fungesse de vanu de disimpinnu de s'iscala chi, cun unu percursu a cuidale, giughiat a su pranu superiore.

Istòria de sos istùdios
Su monumentu est nòdidu finas dae sa metade de su sèculu coladu.

Bibliografia
G. Lilliu, I nuraghes: turres preistòricas de Sardigna, Casteddu, Sa Zattera, 1962, p. 31 ss.;
V. Santoni, "Su sinnu de su pòdere", in Nur: sa misteriosa tziviltade de sos Sardi, a cura de D. Sanna, Milanu, Cariplo, 1980, pp. 141-186;
L. Manca Demurtas, "Mogorella (Aristanis) Loc. Friarosu", in Sos Sardi: sa Sardigna de su paleolìticu a s'edade de sos nuraghes, Milanu, Jaca Book, 1984, pp. 157-159;
L. Manca Demurtas-S. Demurtas, "I protonuraghi (noos datos pro s'Aristanesu)", in The Deya conference of prehistory. Early settlement in the western mediterranean islands and their peripheral areas, II, Oxford, BAR, 1984, pp. 629-670;
G. Lilliu, Sa tziviltade de sos Sardi de su paleolìticu a s'edade de sos nuraghes, Torinu, Noa FIAS, 1988, pp. 184, 185, 516, fig. 51, tav. 26.

Comente arribbare
Dae Santu Antoni Arruinas si pigat su caminu pro Arruinas. Pagu a pustis de su bìviu pro Mogorella-Arruinas, sighende cara a Arruinas, si bidet su Nuraghe Friarosu.