Gùspini, Museu Monte Tempus

Su Museu, dedicadu a s'istòria de Gùspini e de su territòriu suo, est ammaniadu in un'istrutura sorta comente a crèsia in su Seschentos e trasformada in Montegranatico in s'Otighentos.
De s'istòria locale, tratzada in parallelu cun s'istòria de su mundu finas dae sos tempos prus remotos, benint evidentziados sos aspetos e episòdios prus significativos: su sistema de sos insediamentos nuràgicos, sos fatos de Neapolis, istatzione cummertziale fenìtzia e posca tzitade pùnica, romana, altomedievale; prus tardu, decadida Neapolis, sos rastros de sos Templares e de sos Pisani e s'etzetzionale testimonia de aspetos de vida fitiana e de cultura materiale costituida dae su testamentu de Gottifredo, de edade medievale; currende posca cara a s'oe, sa rivolutzione industriale, cun s'isfrutamentu de sas minas e sas profundas trasformatziones de su territòriu e de su paesàgiu, sos chertos de classe de su Noighentos, sa confluèntzia de consuetudini e costumàntzias cara a sa cultura globale.
Su contadu s'isvilupat pro temas (l'istare, lu traballare, su tempus lìberu) e sa lente a traessu de cale s'osservat lu devènnere istòricu de su territòriu est su tempus in medas de sas suas accezioni. Su tempus geològicu, su tempus istòricu, su tempus sotziale, su tempus privadu, su tempus umanu, su tempus de su traballu, su tempus de sos chertos: pro cumprèndere comente a s'evolvant o permanentent sìmiles in sos annos o in sos sèculos sos vàrios aspetos de sa vida sotziale e de sa cultura materiale.
Testos cùrtzios, a capeddu e introduzione de sos temas, s'alternant a ischedas istòricas e de aprofundimentu; a sos ogetos s'agiunghent fotografias, riprodutziones de manifestos, documentos de archìviu e illustratziones didàticas; filmados projetados a muru o subra de monitor pro su gosamentu individuale, ripropongono registratziones de intervistas, boghes in foras de campu, sonos.
Su percursu de bìsita est lìberu, su visitadore interagit cun s'espositzione e podet cursare tzìrculos o aneddos diversos e rugrados, ogni setzione esaurit in sese unu tema.

Ca est importante lu bisitare
Sa bìsita de su Monte Tempus permitet a su visitadore de connòschere s'istòria de su logu e de la cunfrontare e la torrare a interpretare in relatzione a s'istòria de su mundu a traessu de unu percursu innovativu de su puntu de bista tecnològicu e de sos limbàgios impreados.

Tag

Categoria Struttura: Museu, galleria e/o collida

Tipologia Contenuti: Istòria

Fruibilità: Abertu

Provincia: Sud Sardigna

Comune: Guspini

Macro Area Territoriale: Sud Sardigna

CAP: 09036

Indirizzo: via Ferracciu, 1

Telefono: +39 329 1686069 +39 349 8052504

Email: anmi.guspini@gmail.com

Sito Web: www.comune.guspini.su.it/it/point-of-interest/monte-tempo

ghennàrgiu - nadale

Martedì

16:00 - 20:00

Aperture straordinarie:

Informazioni sui biglietti e sull\'accesso: Pro informatziones e aberturas istraordinàrias mutire s'assòtziu A.N.M.I. a su Curreu eletrònicu anmi.guspini@gmail.com opuru mutire a sos nùmeros +39 3291686069 e +39 3498052504.

Modalità di accesso: De badas

Aggiornamento

24/4/2025 - 11:25

Servizi

Visite guidate