Argomenti
Argomenti
“Contraddizioni” est su tìtulu de sa mustra chi inaùgurat sàbadu 13 abrile in sos ispàtzios de su Ghetu de Casteddu. S'espositzione, resurtadu de unu progetu didàticu de su Dipartimentu de Artes Visivas de s'Acadèmia de Bellas Artes “Mario Sironi” de Tàtari, coprodotta de Agorà Sardigna e CoopCulture, riunit in una colletiva sos traballos de 11 artistas, dotzentes e istudiantes, chi ant interpretadu cun diversos materiales e mèdios espressivos su tema de sa “contradditzione” comente a raighina costitutiva de sa cuntemporaneidade nostra.
Sa mustra acrarat comente a s'arte siat devenende semper de prus unu trastu indispensàbile de cumprensione e interpretatzione de sas grandu trasformatziones chi sunt investende sas formas nostras de vida e sa matessi istrutura antropològica de s'umanu. In su matessi tempus “Contradditziones” testimòniat comente a sas Acadèmias de Bellas Artes, ue sos ogros e sas manos de sos artistas s'allenant, siant logos in sa cultura istratègicos pro s'intrea comunidade. Sas àulas de custas Istitutziones de Arta Formatzione Artìstica, sunt sos laboratòrios ue si coltivat su sentidu de sa cuntemporaneidade nostra.
Artistas in mustra:
Guenda Bulleddu, Claudia Carta, Davide Fadda, Taras Halaburda, Antonello Marchesi, Michael Ogana, Emma Porcu, Giovanni Sanna, Oscar Solinas, Federico Soro, Carlotta Tola.
Inizio:
2024-04-13
Fine:
2024-04-28
Data:
Sa mustra at a abarrare aberta finas a su 28 abrile 2024 de su martis a sa domìniga 10.00 - 13.00 / 17.00 - 20.00
Contatti struttura:
Inauguratzione: sàbadu 13 abrile 2024 oras 18:00
Tzentru de Arte e Cultura Su Ghetu - bia Santa Croce, 18 - 09124 Casteddu (CA)
Curreu eletrònicu: ilghettocagliari@gmail.com
Facebook: www.facebook.com/ilghettocagliari
Tel. +39 070 3513517
Aggiornamento
Dove si trova
Facebook
Twitter
LinkedIn
WhatsApp
Stampa
Email
Commenti