Casteddu, Palatzu Balletto

S'edifìtziu est situadu longu su viale Trieste a s'àngulu cun sa bia sa de XXIX Santandrias e s'insertat in sa fervida faina edilìtzia a caddu intre Otighentos e Noighentos chi distinghet in particulare sa zona in tundu sa pratza de su Carmine.
Realizadu intre su 1918 e su 1921 subra de progetu de s'ingenieri Riccardo Simonetti, est unu de sos palatzos prus interessantes pro sa cumbinatzione de elementos Liberty cun s'istile eclèticu, gràtzias a sa cumplessidade de sas solutziones adotadas. S'aspetu prus significativu pertocat s'àngulu de su fràigu, risòlvidu cun sa triplice subraponidura de su bowindow chi si repitet diferentziadu pro ognunu de issos. Sos duos frontes presentant aberturas e curridores de tipu diferente in sos tres livellos, ma totus sunt in manera rica decoradas dae un'ornamentazione chi riunit tzimentu, ferru e cotu. Unas cantas finiture comente a sas persianas a iscumparta de sas ventanas in su pranu terra e sos portales e sa grandu parte de sos infissi sunt ancora in manera perfeta cunservados.

Bibliografia
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 31;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 34.