Arborea, Giardinu de su Memoriale ingenieri Giulio Dolcetta

Giardinu de su Memoriale ingenieri Giulio Dolcetta. Foto de Angela Nieddu, 2025, de Catàlogu BBCC

S'ingenieri Giulio Dolcetta fiat istadu unu de sos imbentores de sa Bonìfica, promotore tècnicu, organizativu e impresariale de s'interventu. Su giardinu de su memoriale dedicadu a Giulio Dolcetta s'agatat in s'omònima pratza, situada in su tzentru abitadu de Arborea. Òcupat un'àrea cumprèndida intre su Munitzìpiu, de su cale est separadu dae unu percursu esternu a su giardinu, e unu lotu ocupadu dae una residèntzia. Subra de su ladu est, una setziada lu delimitat respetu a sa pratza e a su viale Omodeo. Si tratat de unu piticu ispàtziu birde de forma cuadrada, partzidu in bator aiuole fintzas issas cuadradas, dispostas in manera simmètrica e separadas dae duos percursos tzentrales ortogonales cun finitura in ghiaia. In su puntu de intersetzione de sos percursos s'agatat su monumentu dedicadu a Giulio Dolcetta, realizadu in su 1954. S'inauguratzione de su monumentu e de sa pratza intitulada a Giulio Dolcetta torrat a artziare a unu perìodu cumprèndidu intre su 7 nadale 1954 e su 20 martzu 1955, comente a resurtat de sa documentatzione cunservada acanta s'Archìviu Istòricu de su Comunu de Arborea.

Aspetos de interessu
Sas aiuole de forma regulare presentant una cobertura prativa, sunt presentes una mata de laru e una palma. Su monumentu in comintzu fiat collocadu a su tzentru de un'aiuola delimitada dae una cresura tzirculare. Su giardinu acasàgiat a su tzentru de sas aiuole unu monumentu cun Iscritzione.