Paleolìticu inferiore

Foce del fiume Coghinas a Valledoria. Fotografia di Bruno Manunza, da Sardegna DigitalLibrary

S'istòria de sa presèntzia umana in Sardigna cumintzat in su Paleolìticu inferiore, comente a testimòniat su rinvenimentu de ogetos in pedra datàbiles intre 450.000 e 120.000 annos a oe. Nos referimus, comente a aparit ladinu, a èpocas meda remotas. Aparit duncas cumprensìbile in manera intuitiva cales dificultades devant afrontare sos istudiosos in su tentativu de lòmpere a su reperimento de fòssiles umanos chi torrant a artziare a custu perìodu (si no addiritura a edades pretzedentes) chi, pro natura pròpia, sunt sugetos a unu lestru deperimentu orgànicu. Custu balet fintzas pro sos eventuales trastos realizados in linna o in ossu, destinados (francu raras etzetziones) a iscumpàrrere in s'arcu de cùrtziu tempus. Pro custu motivu sos istudiosos devent pònnere grandu cura a no incùrrere in un'errore de sopravvalutazione de s'importu de sos repertos dae pedra (est a nàrrere in pedra), meda prus resistentes respetu a sas àteras categorias de repertos e duncas prus a discansu presentes in sos depòsitos archeològicos. Custu arresonu balet fintzas pro sa Sardigna.Sos prus antigos "ogetos" atzapados, in seltze e quarzite, acudint dae sa parte setentrionale de s'ìsula, de sa regione de s'Anglona e sunt inquadrabili, de su puntu de bista tipològicu, in sas indùstrias dae pedra classificadas cun sos nùmenes de "clactoniano" e "tayaziano". Cun s'espressione "indùstria dae pedra" si cumprendet s'ammenta de sas tècnicas e de sas fainas a traessu de sas cales unu grupu umanu trasformat sas matèrias primas pro otènnere de sos ogetos. Tales repertos acudint dae sas localidades de Giuanne Malteddu, Interiscias, Laerru, Preideru e Rio Altana. Si tratat de unos seschentos ogetos, intre cales bicas, bulini, grattatoi, puntas, raschiatoi. Nointames s'ausèntzia de repertos òsseos umanos e de datos floro-faunistici rendet difìtzile in manera piessigna sa ricostrutzione de custa fase de sa preistòria sarda. A prodùere custu gènere de manufatos diant dèvere èssere istados indivìduos chi apartenent a sa genia "Homo erectus", una de sas chi cumponent su gènere "Homo" a cale fintzas nois, òmines modernos, apartengiamus.Mèritat de èssere signaladu su rinvenimentu acontèssidu in su Logudoro, in sa gruta Nurighe de Cherèmule, de una falange umana cumpleta de su pollice. Sa datatzione proposta pro custu importante repertu òsseu est de 250.000/300.000 annos a.C.

Aggiornamento

16/7/2025 - 14:45