Brunzu antigu

Brunzu antigu, Tèmpiu, nuraghe Majori. Foto de Sardigna DigitalLibrary

Subra de su limenàrgiu de intrada a sa tziviltade nuràgica si còllocat, incuadrada in su Brunzu antigu (1800-1600 a.C.), sa cultura detat de Bunnànnaru de su nùmene de su paisu, in Logudoro, ue s'agatat sa necròpoli ipogeica de Corona Moltana in cale aiat tentu logu su primu rinvenimentu de repertos tìpicos.
Custa cultura, cunsiderada dae sos istudiosos comente a sa prima fase de sa tziviltade nuràgica, mustra una significativa mudada in sa produtzione tzeràmica, in cantu a su de durare de medas de sas morfologias vascolari peculiares de sa cultura campaniforme s'assòtziat s'iscumparta de sa subrabbundante decoradura chi aiat caraterizadu sas produtziones campaniformi.
Sos connoschimentos atuales pro custu chi pertocat sos ispàtzios abitativos pertinentes a sa cultura de Bunnànnaru sunt prusaprestu esigue e belle semper relativas a giassos in cales sa presèntzia de materiales Bunnànnaru no aparit esclusiva, ma antis si cheret interpretadu comente a testimonia de una pràtica de rifrequentazione de giassos preesistentes chi aparit tìpica de tale cultura.
Pro custu motivu mèritat de èssere rimarcato su notèvole valore documentàriu de s'ùnicu giassu a caràtere abitativu tzertamente ascrivibile in forma esclusiva a sa cultura de Bunnànnaru: si tratat de un'ammenta de cabannas realizadas cun tumbarinos a cales si subraponent sas istruturas de linna cun funtzione de cobertura, assetiadu a Ischit Turrìcula de Muros (Tàtari).
Pro cantu pertocat sos rituales funeràrios, a sas gentes de cultura Bunnànnaru andant ascritas siat sa pràtica de su torro a impreare de sas domus de janas realizadas e impreadas in sas fases cronològicas pretzedentes, siat sa realizatzione de istruturas tombali monumentales, comente a sas allées couvertes, sos passadissos megalìticos chi, in s'isvilupu architetònicu issoro, ant a giùghere a sa nàschida de sas tumbas de sos gigantes, de cales in unos cantos casos lompent addiritura a rapresentare su nùcleu istruturale de orìgine.
Mèritat in fines unu seju sa pràtica mèdica de sa trapanazione in vida de sa cabitza cun subravivèntzia de su sugetu sutapostu a s'operatzione, atestada dae sa ricalcificazione òssea. Nde sunt testimonia sos restos de una fèmina interrada in sa gruta naturale de Sisaia (Ulìana), in assòtziu a unu pòveru asciugàriu costituidu dae una ciotola, unu tegame, una molet de granitu e rastros de linna combusto.

Tag

Approfondimenti

Visualizza Tutti

Testo

Una nuova sepoltura della Cultura di Bonnanaro da Ittiri (prov. di Sassari, Sardegna) ed i rapporti fra la Sardegna settentrionale e la Corsica nell'antica età del Bronzo

Una nuova sepoltura della Cultura di Bonnanaro da Ittiri (prov. di Sassari, Sardegna) ed i rapporti fra la Sardegna settentrionale e la Corsica nell'antica età del Bronzo / Paolo Melis.