Mario De Biasi

Dèsulu, bia Lamarmora. Fotografia de Mario de Biasi, 1955

Mario De Biasi naschet in Sois, in s'oru de Belluno, in su 1923. Disterradu in Germània durante sa segunda gherra mundiale, cumintzat a fotografare a Norimberga in su 1944 cun un'atretzadura de fortuna atzapada intre sas ruinas de sa tzitade.
Torradu in Itàlia, si trasferit giòvanu meda a Milanu. Frecuentat cun sutzessu su "Tzìrculu Fotogràficu Milanesu" e in su 1948 organizat sa prima mustra personale.
Coladu a su professionismu, in su 1953 intrat a fàghere parte de su staff de sos giornalistas de "Època", instaurende gasi unu raportu de collaboratzione chi at a durare diversas dècadas. Pro custa rivista realizat unos cantos suos prus importantes documentàriu: s'abbolotu populare de Budapèst in su 1956, s'erutzione de s'Etna in su 1964, s'alluvione de Florèntzia in su 1966, su terremotu in Sitzìlia e s'ocupatzione soviètica de sa Tzecoslovàchia in su 1968.
In in prus de chimbanta annos de faina at fotografadu totus sos avenimentos natzionales printzipales e internatzionales; cun sas imàgines suas sunt istados acraridos artìculos, fototesti, nùmeros ispetziales de rivistas e in prus de 85 libros, chi s'agiunghent a sas medas mustras personales e colletivas.
Ateretantos sos reconnoschimentos: intre custos, s'Eric Solomon Preis a Colònia in su 1964, su prèmiu Saint Vincent pro su giornalismu in su 1982 e unu prèmiu a sa carriera a su Fèstival de Arles in su 1994.
In su 1955 arribbat pro sa prima bia in Sardigna. Cun s'obietivu suo indagat e catura sos aspetos prus fichetes e interessantes de una sotziedade ancora intrega in manera sustantziale in sos costùmenes e in sas traditziones, collende·nde però fintzas sos primos signales de cambiamentu. Sas imàgines aiat torradu a leare in su cursu de sos biàgios suos in s'ìsula, acumpangiadas dae sos testos de unu giornalista de etzetzione, su poeta Alfonso Gatto, ant a acrarire subra de "Època" sa sèrie de rubricas "S'Itàlia chi non connoschimus". In sos annos sutzessivos at a torrare prus furriadas a s'ìsula. S'archìviu suo de imàgines sardas est ùnicu pro calidade e variedade de temas tratados.

Aggiornamento

10/2/2026 - 14:55