Su pòpulu de sos bronzetti

Teti, bronzetto de su capotribù. Foto de Renato Brotzu, de Sardigna DL

Sos "bronzetti" rapresentant sa forma de arte prus nòdida intre sas prodùidas dae sa cultura nuràgica. Si tratat de piticas istàtuas in brunzu (sos esemplares nòdidos lompent dimensionalmente a un'artària màssima de 35-40 cm) otentas cun sa tècnica narada "a chera persa".
Tale tècnica previdiat, in una prima fase, sa realizatzione in chera de su modellu de ogetu chi si cheriat realizare in metallu; in una segunda fase si rivestiat s'ogetu in chera cun arghidda refratària; in sa fase finale si versaiat su brunzu fùndidu in càmbiu de sa chera.
Custas statuine, creadas (si retenet) cun funtzione de ex votu, rafigurant una gama manna a beru de pessonàgios: arcieri, opliti, pugilatori, lottatori, vàrias figuras feminiles, vàrios tipos de animales, numerosos ogetos ligados a sa vida fitiana, modellini de nuraghe, navieddos e àteru ancora.
Si tratat pro nois de una pretziosa fonte iconogràfica, capatza de nche torrare un'ispacadu eficatze e ammajadore meda de su mundu nuràgicu.
Si, comente a s'est naradu, non paret bos èssere duritu intre sos istudiosos subra de s'atributzione de sa giai tzitada funtzione de ex votu a custa categoria de ogetos, non de su totu craru aparit sa cronologia issoro (bantzigadita, a segunda de sas opiniones, intre sa fine de su Brunzu finale e sa prena Edade de su Ferro).
Sa chistione no est affatto segundària. De s'incuadramentu cronològicu dipendet difatis sa possibilidade de collire in sa curreta sfumatura su valore culturale de custos ogetos.

Aggiornamento

17/4/2026 - 14:37