Giuseppe Delitala y Castelvì

In manera piessigna integradu in sa cultura ispagnola fiat istada su poeta barocu Giuseppe (o José) Delitala y Castelvì, chi naschet in Casteddu in su 1627 e bi morit in su 1703. Discendente de una de sas famìlias prus poderosas de s'aristocratzia isolana, a s'edade diquindici annos lassat sa Sardigna e cumintzat su servìtziu militare in Ispagna crompende su gradu de colonello. Est numenadu amministradore de sa Tanca Règia, votada a s'allevamentu ecuinu de artu livellu, posca guvernadore de su Capu de Casteddu e de Gaddura e, unu cùrtziu perìodu, vitzerè reghente in s'interregno traes vitzerè Fuensalido e Monteleone. Est unu bonu connoschidore de sa cultura e literadura ispagnola e, in particulare, de Quevedo pro su cale nudrit una sconfinata ammiratzione. Cun s'òpera sua "Cima de su monte Parnasu espaňol cun sa tres musas castellanas, Calliope, Urania y Euterpe...", publicada a Casteddu in su 1627), ponet in atu su mancu tantu segretu proponimentu de cumpletare e sighire s'òpera de su matessi Quevedo. S'essida belle cuntemporànea a Madrìd de un'òpera sìmile annuddat s'interessu chi s'òpera sua diat àere pòdidu intzitare in su mundu literàriu ibèricu.
Delitala Castelvì, bonu verseggiatore e meres de sa limba castilliana, est cunsideradu unu poeta meritevole de èssere ancora letu. Amat in manera piessigna sos temas de sa cultura baroca chi andaiant pro sa majore in cuddu perìodu. Bastante connota est sa cumpositzione sua "Montaňas de Cerdena" ue dimustrat de èssere unu notèvole poeta sardu in limba castilliana.

Aggiornamento

23/6/2026 - 15:10