Architetura tzivile

In època aragonesa si fiat difùndidu sa moda, lòmpida dae sa Catalugna, de contornare porridas e ventanas cun elegantes mustras lapidee a su fine de arrichire sos prospetos de sos palatzos a parusu privos de decoradura. Su fenòmenu aiat interessadu in su primu logu sas tzitades pro posca arribbare, segundu unu modellu de irradiazione culturale tzentru-periferia, in sos piticos tzentros e in sos bidditzolos.

Determinante in tale sentidu fiat istadu su ruolu de s'architetura religiosa, in sos cales cantieri tzirculaiant modellos e s'educaiant maestranze. S'adesione a sos stilemi catalanos fiat istadu agiumai totale a S'Alighera, ue prus saldos fiant sos raportos cun sa penìsula ibèrica, comente a dimustrant a esèmpiu sas incorniciature de sas ventanas de domo Doria. Cantu prus imbetzes nche s'inoltrat cara a l'interno de s'ìsula istupant esèmpios de commistione cun formas de ispiratzione popolaresca.

Suta de su profilu istilìsticu sas decoraduras si caraterizant pro sa costante presèntzia de s'arcu inflesso catalanu in sa mezzeria de sos architraves. De àtera ala s'interpretatzione de sos stilemi ligados a su Gòticu catalanu non si risolvet mai in passiva imitatzione: est belle semper riscontrabile difatis un'interpretatzione "locale" in sos diversos elementos chi assentant s'incorniciatura, de sas modanature a sas colonnine e a sos arcos. Su repertòriu decorativu de sos picapedrers (scalpellini) est vàriu e, puru mantenende caràteres de peculiaridade, s'evolvet in su cursu de su tempus.

Intre fine Chimbighentos e cumintzos Seschentos posca, cun su si difùndere de sos modos de su Rinaschimentu, b'est un'ulteriore arrichimentu de formas pro cales no est raru agatare, a esèmpiu, curnisas dentellate e tìmpanos triangulares cun curnisas modanate de istampu classicheggiante assotziadas a arcos inflessi opuru colunnas scanalate e rudentate iscumpassadas dae capitellos chi echeggiano l'assemprat de cuddos corìntzios o compositi.

Aggiornamento

10/9/2023 - 15:46