Putumajore, Museu de su Caddu

"Su museu est in manera temporale serradu pro traballos de restruturatzione"

In Putumajore sa cultura de su caddu tenet unu significadu particulare pro s'intreu territòriu. S'allevamentu ecuinu rapresentat una realidade econòmica ragguardevole e su caddu no est petzi unu sugetu culturale, ma unu bàlidu mèdiu pro s'isvilupu turìsticu de sa Comunidade.
Sunt istados pessados, difatis, una sèrie de percursos, ippovie chi rugrant unu territòriu durche e agreste, ricu de intensos nuscos de sa magra mediterrànea e de importantes vestigia neolìticas e nuràgicas chi atraent su turista chi los bìsitat.
Su ''Museu de su Caddu'' est collocadu in sos locales chi fiant istados sede de su Cunventu de sos Agostinianos de su cumintzu de su sèculu XVII, finas a sa segunda metade de su sèculu XIX e, posca, sede de sa caserma de sos Carabineris a caddu.
Su museu s'isvilupat a inghìriu a deghe salas temàticas a s'internu de sas cales su caddu rapresentat su filu allogaderi de unu contadu de caràtere istòricu, antropològicu e etnogràficu. Ùnicu in su gènere suo, est organizadu segundu temas allogaderis chi sutalìniant s'importu de semper assùmida dae su caddu in sa vida de s'òmine.
Su museu est de su totu insertadu in su territòriu comente a organismu dinàmicu e propositivu, a s'internu de su cale, in parallelu a s'allestimentu e a sos càbidos in comintzu propostos, benint ammaniadas mustras temporàneas e eventos culturales.
A s'internu de sos ispàtzios de museos agatat collocatzione fintzas sa Lassa Pesarin, costituida dae elementos architetònicos de prètziu cales architraves, capitellos, colunnas e stipiti in pedra, frutu de su traballu e de s'abilidade de scalpellini locales, sarvados dae s'oblio e de sa destruidura generada dae su rinnovamentu de su patrimoniu edilìtziu de su tzentru istòricu de Putumajore. Sa collida de custos repertos est istada fata cun grandu sensibilidade e cura de su sennore Pesarin e, posca, donada a su Comunu de Putumajore.
Su Museu aberit fintzas in ocasione de manifestatziones locales, festas natzionales e paesanas, cun bìsitas ghiadas siat pro sìngulos chi pro grupos.

Ca est importante lu bisitare
Cunsentit de aprofundire su connoschimentu de s'importu de su caddu in s'istòria sotziale e econòmica de s'òmine e in particulare in Sardigna.

Tag

Categoria Struttura: Museu, galleria e/o collida

Tipologia Contenuti: Temàticu

Fruibilità: Serradu

Provincia: Tàtari

Comune: Pozzomaggiore

Macro Area Territoriale: Nord Sardegna

CAP: 07018

Indirizzo: piazza Convento, 39

Telefono: +39 340 8070619 +39 328 3831764

Email: soc.pintadera@gmail.com

Sito Web: comune.pozzomaggiore.ss.it/contenuti/39146/museo-cavallo

Informazioni sui biglietti e sull\'accesso: Su museu est in manera temporale serradu pro traballos de ristruturatzione; sos datos subra de sos billetes aporridos in custa ischeda fiant vigentes in antis de sa serrada de su museu, pro tènnere informatziones subra de s'imbeniente riapertura sua si cussìgiat de mutire s'istrutura a su nùmeru +39 340 8070619, o bia de curreu eletrònicu.

Modalità di accesso: a pagamentu

Biglietti :