Nùgoro, Giardinu istòricu de Palatzu Asproni

Giardinu Istòricu de Palatzu Asproni. Foto de Angela Nieddu, 2025, de Catàlogu BBCC

Su giardinu apartenet a su cumplessu de Palatzu Asproni, residèntzia de su Otighentos de sa famìlia Asproni, ligada a sa figura de s'intelletuale e polìticu nugoresu Giorgio Asproni. In su 1921 su palatzu fiat istadu donadu a su Comunu de Nùgoro dae su nebode de Giorgio Asproni cun s'òbrigu de nde cunservare sa memòria e lu destinare a funtziones pùblicas. Posca, su cumplessu est adatadu a sede iscolàstica e, dae su 2002, acasàgiat su Museu Archeològicu Natzionale de Nùgoro. Non sunt disponìbiles noas in contu de s'impiantu originàriu de su giardinu ne a sa cumpositzione sua vegetazionale. Est nointames verosimile chi s'ispàtziu, finas dae s'Otighentos, acumpriret funtziones pertinentes a sa residèntzia, cunfigurende·si comente a giardinu a servìtziu de su palatzu. Palatzu Asproni, cun l'atacadu giardinu, est situadu in su tzentru istòricu de Nùgoro. S'ispàtziu birde si cunfigurat comente a un'ùnicu giardinu de pertenèntzia, de su totu acresuradu e atzessìbile de su pranu terra de su museu, in prus de chi de duas intradas esternas. Su palatzu est separadu dae su giardinu de unu percursu de su cale s'atzedet tràmite unu cantzellu torradu a pesare de tres istradeddas. S'ispàtziu est articuladu in duos setores, partzidos dae unu tumbarinu bassu trasversale cun a su tzentru unu segundu cantzellu. In su cumplessu s'àrea si presentat comente a un'ampru tapete prativo continu, subra de cale sa vegetatzione arbòrea e de mata est distribuida in modu rao. Longu su perìmetru s'alternant tràidos de cresura de laru e una bordura de limones. A su tzentru, in positzione isparta, s'agatant una cresura de murta disposta a chircu e piticos grupos de matas de elicriso e camedrio. Intre sas genias arbòreas sunt presentes unu nespolo, un'esemplare de èlighe de reghente impiantu e una palma, ùnica superstite de su grupu presente finas a pagos annos a oe.

Consultat su Catàlogu de sos benes culturales – Scheda Giardinu istòricu de Palatzu Asproni NCTN 2000253065

Aspetos de interessu
Giardinu de pertenèntzia de sa residèntzia de su Otighentos de su polìticu nugoresu Giorgio Asproni, oe sede de su Museu Archeològicu Natzionale situadu in su tzentru istòricu de Nùgoro. Si presentat comente a un'ampru padru continu cun raat vegetatzione arbòrea e de mata chi creat unu giogu echilibradu intre prenos e bòidos, in cales su disponimentu non simmètricu de sa vegetatzione est avaloradu dae sa craresa de sas superfìtzies prative e de sa regolaridade de sos oros costruidos.