Neunele, Museu faunistico de s'Òasi de Meda

Cursende su caminu provintziale chi de su tzentru abitadu de Neunele giughet cara a Austis, in sa localidade denominada "S'Isteddu", agatemus sos cartellos chi nch'inditant comente a cròmpere a discansu su Museu faunistico. Etotu in custu giassu, ammirende s'etzetzionale bellesa de su paesàgiu, est fàtzile cumprèndere chi nche s'agatat a s'internu de un'òasi naturalìstica de grandu prètziu, in sa cale intre sas àteras cosas, est vietada sa cassa, e est duncas prus dàbile chi aterue adobiare e ammirare esemplares de sa fàuna agreste sarda.
S'òasi sin de s'istitutzione sua, est istada ogetu de atentzione a banda de unu nùmeru semper majore de visitadores, mescamente piseddos in edade iscolare; custu elementu, prus de unos àteros, at favoridu e rèndidu possìbile sena duda sa realizatzione de unu piticu tzentru nàschidu cun sa fine de acasagiare, a su suo internu, esemplares de sa fàuna agreste autòctona.
Est possìbile ammirare su cherbu sardu, su crabolu, su sirbone, su gatu agreste, sa martora e sa donnola, ma fintzas pugiones cales su corbu imperiale, sa civetta, su barbagianni, sa perdighe sarda e unu maestosu esemplare de àbbila bera. Totu custu est collidu in una pitica sala, essentziale e ispartana meda, a s'internu de s'òasi naturalìstica, chi permitet una prus atenta osservatzione a banda de sos visitadores de sas peculiaridades chi caraterizant apuntu custos animales.
In pessu chi lòmpidos a curtzesa de sa sala de museos, s'atentzione est caturada dae unos cantos istràngios etzetzionales: sirbones, crabolos e cervi abituados a sa fitiana e costante presèntzia de s'òmine, si lassant ammirare in totu su lugore issoro e in sa prena naturalezza de su cumportamentu issoro.

Ca est importante lu bisitare
Un'interessante ocasione pro aprofundire sos connoschimentos pròpios subra de sa fàuna sarda.