Sas iscritziones latinas

A costàgiu de sas fontes archeològicas, sa Sardigna dat unu contributu mannu a sa connoschèntzia de su perìodu romanu de s'istòria sua pro mèdiu de s'istùdiu de sas iscritziones latinas. Si tratat de testos de natura vària, siat dae su bessu de su materiale impreadu, siat dae su bessu de su chi b'est iscritu.

A costàgiu de sas fontes archeològicas, sa Sardigna dat unu contributu mannu a sa connoschèntzia de su tempus de sos romanos pro mèdiu de s'istùdiu de sas iscritziones latinas.
Si tratat de testos de natura vària, siat dae su bessu de su materiale impreadu, siat dae su bessu de su chi b'est iscritu.
Est pretzisu però a lu nàrrere: sa capatzidade de atzèdere a s'iscritura in su mundu antigu non fiat cuntzèdida a totus e pròpiu pro custa resone su de àere agatadu un'iscritzione est pro nois de interpretare comente una testimonia de s'apartenentzia de custa o custas pessones, chi l'aiant fata fàghere, a una de sas classes sotziales prus artas. Custu cheret nàrrere chi dae su mundu descritu pro mèdiu de s'iscritura nde sunt foras sas classes prus pòberas e, a su matessi tempus, prus ampras de su mundu romanu.
Est custu unu datu chi bisòngiat de tènnere presente pro cumprendere cale depat èssere sa dinàmica curreta de sos raportos intre s'epigrafia e s'archeologia e sas àteras disciplinas istòricas, onniuna de sas cales nde torrat unu tassiddu bonu chi non podet èssere cambiadu in su cuadru complessivu de su mundu antigu.
Dae sas iscritziones latinas tenimus informatziones medas pro su chi pertocat sos aspetos diferente de sa bida de sa Sardigna romana. Unu de sos prus interessantes e cumoventes est su mundu funeràriu.

Aggiornamento

11/5/2023 - 16:44