Su Museu tenet sede in su cunventu de sos Babbos Scolopi, sos cales elementos architetònicos sunt istados avalorados dae unu reghente restàuru.
Sunt documentadas sa traballadura de su ràmene e sa tessidura, chi a Ìsili ant de un'ala de sas peculiaridades, de s'àtera caràteres comunos a sa traditzione sarda.
Su museu s'articulat in tres setziones: sa prima documentat sa traditzionale traballadura de su ràmene e sa caraterìstica forma sua de bèndida ambulante, sa segunda dedicada a su tessutu etnogràficu est unu museu in forma de telàrgiu in cale subbi e ordidu sunt sos caràteres de su logu e de s'identidade istòrica; costituint sa trama sos elementos e sos caràteres de sas pràticas e de sos saperi, sa de tres setziones dedicadas a su tessutu artìsticu documentat s'arte de sa tessidura e sa produtzione de aratzos chi costituint una sìntesi intre innovatzione e traditzione.
In su museu est istada torrada a costrùere sa butega de su ramaio cumpleta de totu sas atretzaduras originales, cumpresu su carretu tìpicu pro sa bèndida ambulante, càrrigu de manufatos noos e de ogetos chi beniant retirados pro recuperare sa matèria in antis a traessu de sa fusione. Sunt isvilupados sos temas de sa traballadura de su ràmene, de sa mineralogia, de sa metallurgia e de s'impreu de sos ogetos in ràmene in sas fainas pastorales e in cuddas tzeracas, de su limbàgiu de sos ramai e de sos aspetos connètidos a sa bèndida ambulante.
In s'ala dedicada a su tessutu etnogràficu sunt espostos aratzos, tirat, copritavolo e bursas de sa traditzione isilese realizados prevalentemente in lana e linu, ultres a alas de su telàrgiu e vàrios trastos impreados pro tèssere e pro traballare sa lana, su percursu est arrichidu dae filmados e pannellos incraritivos.
In sa setzione dedicada a su tessutu artìsticu sunt espostos trinta aratzos, realizados a manu subra de telàrgios orizontales, impreende sa lana e cun decoraduras in ràmene, de notèvole balore artìsticu, corredati de tàulas progetuales e de pannellos chi acrarint totu su percursu tècnicu e artìsticu de traballadura de sa produtzione de sa lana a sas tècnicas de tintura cun erbas a s'impreu de su ràmene in sa tessidura pro esaltare originales efetos cromàticos.
Unu vìdeu documentat cun richesa de particulares totu sas fases de sa traballadura de su ràmene e de sos tessutos. Sa sonorizzazione de su Museu cunsentit de dare a ogetos e argumentos sientìficos unu suportu artìsticu musicale: memòrias sonoras, sonos ambientales, idiomas linguìsticos e melodias acumpàngiant su visitadore a unu biàgiu in dae segus in su tempus.
Ca est importante lu bisitare
Su museu de Ìsili est s'ùnicu museu dedicadu a su ràmene in Sardigna. Descriet comente a de sa butega de su ramaio poderent nàschere ogetos de arta valèntzia funtzionale e estètica, comente a sas pentole, chi costituiant un'iscioradu sìmbulu de status pro s'isposa. In su percursu ghiadu faghent a bisitare sas butegas de sos ramos e su laboratòriu de sas tessidoras e assistire a sas dimustratziones subra de sas tècnicas de traballadura.
Categoria Struttura: Museu, galleria e/o collida
Tipologia Contenuti:
Etnografia e antropologia
Fruibilità: Abertu
Provincia: Sud Sardegna
Comune: Isili
Macro Area Territoriale: Sud Sardigna
CAP: 08033
Indirizzo: piazza San Giuseppe, 8
Telefono: +39 380 4553856 +39 339 1121384 +39 348 2231271
Email: museoisili@gmail.com biblioteca@comune.isili.ca.it
Sito Web: www.marate.it
Facebook: www.facebook.commuseomarate
Informazioni sui biglietti e sull\'accesso: Pro tènnere informatziones agiornadas subra de sos oràrios de abertura si cussìgiat de bisitare sa pàgina dedicada de su sitiadu web de su museu.
Modalità di accesso: a pagamentu
Biglietti :
Informazioni sui servizi: Sa bìsita ghiada est cumpresa in su prètziu de su billete, non petzi pro sos grupos, ma fintzas pro sos sìngulos visitadores; sa durada est de belle un'ora. Subra de aparauladura est possìbile fintzas bisitare sos laboratòrios esternos de tessidura de sos artisanos de Ìsili.
Aggiornamento
Servizi
Sala per la didattica
Bookshop
Visite guidate
Dove si trova
Immagini
Video
Anno : 2008
Anno : 2008
Risultati 2 di 29160
Visualizza Tutti
Commenti